أريد شراء عجانة لكن محتارة

[fatyb]

مساء الخير عليكم نتمنى تكونو لباس
اريد مساعدتكم حابة نشري عجانة عجبوني تاع كونيود لمهاهم القطع تاع لترحي اللحم وتاع العصيير والمشينة لتحل التريدة
بصح خايفة يفسدو ليهليه دبروا عليا بالخصوص ليمجربينهم او نشري هدوك ليعجنو برك مافيهمش القطع
https://im32.gulfup.com/OYaM7.jpg

[سَلْسَبِيّلْ]

اختي اشري لتعجن فقط راهم هايلين انا شريت لمع بعض والله ماني ندير بيهم اصلا يضرحوك

[cherilety]

la meme question pour ce model

[جويدة2]

السلام عليكم و رحمة الله وبركاتة

شوفي اخني من حيت يفسدو بسرعة لا اضن دلك لكن المهم الدي يجب ان تعرفيه هو هده العجانة الملحقات نتعها عندها قواعد يعني مش علجال حبة جزر او خيار اواى كمية خضار تستخرجي العجان وتستعمليه سوق يتعبك تنضيفه و تجفيفه اكتر من الخدمة ليقدمهالك و زيد الموتور راه واحد يعني ريح تعبيه بلخدمات الصغيرة والغير متعبة اكتر من العجن ليتعب و يدي وقت وزيد العجانة تعجن خير من اليد.
انا براي الدراهم لتخسرهم في الاكسسورات زيدهم و جيبي عجان اكبر من هدا و امتن اما الاكسسورات اشرها وحدها ارخس و كدلك على قد حاجتك اليومية انا هداهو راي يوم لشريت الغجان اخترت اكبر شيء باش يتحمل و كدلك يقدر يعجن كمية لاباس بها بلا ميتعب اما الاكسسورات جبت كل حاجة وحدها
و العجان وضعت بمكان تابت و غطيتو و استعمله غير للعجن و الحلويات و هو جد مريح و مهم
اتمنى ان اكون افدتك .

[samirovich]

انا عندي عقدة من الحاجة اللي تدير اكثر من وظيفة
في نفس الوقت

[rofia.sarah]

عجانة كانوود هايلة و ما تفسدش ( الأصلية طبعا ) شريتها عندي سنوات نعجن غير بيها و ندير بيها الحلويات خاصة الكروكي و ااه هايلة و عملية و شريت معاها غير رحاية اللحم نستعملها في بعض الأحيان ماشي بزاف إذن أختي اشري العجانة و الإكسسوارات تقدري تشريهم وحدهم

[أم رمزي]

أنا أشريت كنود هايلة الأصلية طبعا و نخدم بها كل شيئ و أنتاع اللحم كذلك بقات لي غير أنتاع التريدة حابة نشريها .

[ninacicino]

انا عندي ماركة بومان
عجانة و فيها اللي ترحي اللحم
ماتشريهاش مشارجيا تنقص ف الكباسيتي تاعها تتخسر تمتم

[السَّحابة البيضاءْ]

السلام عليكم

بالقسم ستجدين موضوع مثبت لعضوة تتحدث عن تجربتها مع عجانة كنوود لربما يُفيد مافيه

[الأمنيات]

انا عندي الي فيكل شيئ عجانه وتاع اللحم والعصائر راها مدة عام ونصف لكن نستعمل غير العجانه وتاع اللحم
لوكان من الاول شريت تاع اللحم اليدويه احسن والعجانه وحدها درك طفرت

[simsim.zoo]

نحنا شرينا عجانة كان وود عندها ياسر مافسدتش و الرحاية تاع اللحم شريناها وحدها

[fatyb]

شكرا على الردود وعلى اراءكم