هلموا ..تارتولات بالفواكه بكرام باتيسيار بدون بيض..اجرو

[samsouma8211]

السلام عليكم وشراكم ليوم جبتلكوم تارتولات بالفواكه تناسب هاذ الجو الحار وبريزونتابل باه تقدميها مع عصير فواكه للضياف وحتى في الاعراس ومهيش مكلفة ولي تحب الوصفة تقولي

https://www.up.djelfa.info/uploads/140887986700331.jpg
https://www.up.djelfa.info/uploads/140887996334181.jpg
https://www.up.djelfa.info/uploads/140888019799041.jpg
نبداو على بركة الله
للعجينة:
2كيلت فرينة مع 3 ملاعق اكل مش معمرين سكر مسحوق +2 مغارف صغيرة لافاني +قرصة ملح تخلطي هاذو المواد مع بعض وتزيديلهم +كيلة معمرة زبدة وزيت(انا ماكانش عندي الزبدة درت سمن مدينة جا روعة ذوبي الزيدة او السمن ديري نص زيت ونص زبدة)) حتان تتلملك العجينة +ظيفي من بعد بيضة كاملة مع صفار بيضة+وفي الاخيرة ديري رشة ما زهر ولمي العجينة ما تعجنيهاش لاخاطر راها تتفتت
جيبي لي مول نتاع لي تارتولات وحلي العجينة بشوية واتقبها بشوكة واديها للفرن طيب
بعد ما طيب وتبدرد نجو للمرحلة الثانية:
لاكرام باتيسيار وهدي لاكرام مفيدة جداااحتى للذراري الصغار باسكو في الصيف مايحبوش يشربونا لحليب علابالي راني كترت الهدرة هههه
نجيبو تقريبا نصف لتر حليب+3 مغارف سكر عادي (وهنا حسب الرغبة وشوفي الحلاوة لي تحبيها)+3مغارف مايزينة تحليها في شوية حليب وتظيفيها للحليب والسكر + ديري الخليط فوق النار وكي يبدا يدير فقاعات جيبب كاس عصير وظيفيه للخليط مع التحريك المستمر باسكو هاذ لاكرام بالخف طيب
جيبي في الاخير لي تارتولات وعمريهم بلاكرام وزينيهم بلي راه متوفر في البيت واذا زينتي بالفواكه ماتنسايش تدهنيهم بالقارص باه ميكحالوش ويشدولك مدة اطول

وفي الختام لاتنسو التقييم والدعاء