رفض بسبب فارق العمر

[مشكلتي]

السلام عليكم

مشكلتي .. أنو وصل وقت الزواج بالنسبة ليا ، و كيما نشوف كل الأمور مهيأة

قررت نخطب وحدة .. و بعثتلها مرسول 'أختِ' هي قابلة و خايفة من أمر واحد

عيآت أختي تقنع فيها ما قدرت .. و هذا الأمر لي خايفة منو أُمها أيضاً خايفة و ماشي قابلة بـ صرآحة

و هذا الأمر .. هو أنها أكثر مني بـ عآمين .. تخاف من نظرات الناس ليها من بعد زواج

و خصوصا .. خايفة مني أنا أصلاً .. أنو بعد زواج يجي وقت و نعآيرها أنا و لا واحد من عايلتي بأني "نذكر العيب لي فيها "

أنها قبلت بـ وآحد اكثر

منها و هذا أصلا أنا ما نشوفوا لا عيب و لا مشكل .. مي عادات لعرب هكذا دايرين

اُختِ كيما دارت ما نجحت معاها

ممكن حل لهاذ المشكل ؟ يعني كيفاه حتى تقتنع ؟

و الله كيما فكرت ما لقيت حل .. شآورو علي الله يحفظكم


و شكراً