الدرس السابع من دورة تعليم الحلويات

[*أم كوثر*]

السلام عليكم و رحمة الله و بركاته
الغريبية حلوى تقليدية اصيلة كامل العايلات يحبوها
و هد الصيف رجعو يحضروها بكثرة في الاعراس باشكال مختلفة
حبيت نشارككم بيها
المقادير
كثيرا ما تسألني الاخوات اي زبدة استعمل

لا اغيرها ابدا و حتى ان احتجت 500 غ نشري 2من تع 250 غ لان تع 500 غ فيها الماء و القاطو تاعها يخرج يابس
2 كيلات زبدة =انا استعملت 500 غ
كيلة سكر ارطب =عبرت بعلبة الزبدة تع 250غ
زاست ليمون
فرينة حوالي كيلو
كمية من اللوز

نمزج جيدا السكر و الزبدة حتى الحصول على كريمة بيضاء

نضيف الزاست و الفرينة و نلم بلاما نعجن
حنى نتحصل على عجينة طرية نوعا ما

نبداو التشكيل

الصور توضح
فقط
اللوز استعملت 3 كيلات بكيلة سكر و قرفة و رشيت فقط بماء زهر

استعملت لا جولي تع السفرجل محضرو بالبيت و كان مذاقها رااائع








































و صدقوني راها تذووووب في الفم
موفقات
لا تنسوني من صالح الدعاء

[sofiane2075]

ما شاء الله ام كوتر يعطيك الصحة انا نعملها بهده الطريقة و عندي مدة ما درتهاش لان اولادي مايحبوهاش بصح يما تديرلي تاع الزيت لي فوقها القرفة الله يخليك و يفرحك كيما تفرحينا شكرا

[*أم كوثر*]

الله ينورك ام سفيان كما تنوري مواضيعي
و انا ايضا هداك اكتر شكل نحبو
ربي يحفظلك الوالدة ان شاء الله
سلامي لكليكما

[*سماح 94*]

بارك الله فيك اختي الوصفة تبان هايلة

[*جوري*]

يعطيك الصحة ام كوتر هايلة

[crono]

شكرا اختي ان تنى نخدمها بي زيت بصح ولادى محبوهاش رجعت نقصم عجينة على 2 وحدة نز يدلها شكلة مرحية نصنعها كما وردات نحط بيضة ثم من فوق بي شكلة سمحينى طولة علك

[nada nina]

يعطيك الصحة اختي انا نموت على الغروبية بصح قالولي بلي تجي ب sol احسن جاوبيني من فضلطك اني نحوس نديرها و جزاك الله الف خير

[*أم كوثر*]

شكرا لمروركن اخواتي
و صدقيني اختي بلابال الذوق راااائع جربي و شوفي

[توكل]

السلام عليكم ربى يعطيك ما تتمنى اختى ام كوثر ماشاء الله
وصفاتك رائعة نتمى تتحفينا بالمزيد بغيت نقولك اعطيتنى فكرة فيما يخص لابات فيلو جربتها فى العيد الصغير ولكن قعدت تبس
والله الا جنتنى
بغيت نعرف خاص ترقى بزاف العجينة
بارك الله فيك

[**زهو**]

مشكورة بارك الله فيكي

[توكل]

اه نسيت لاجولى تاع سفرجل كيفاش حضرتيه ممكن الطريقة
ربى يعطيك ما تتمنى

[اميره 2008]

بارك الله فيك اختي

[islam1aya]

شكرا اختى علا الوصفة الرائعة ممكن وصفة لاجولي +معجون التباسا تع السفرجل

[أحاسيس مرهفة]

[*أم كوثر*]

المشاركة الأصلية كتبت بواسطة توكل

السلام عليكم ربى يعطيك ما تتمنى اختى ام كوثر ماشاء الله
وصفاتك رائعة نتمى تتحفينا بالمزيد بغيت نقولك اعطيتنى فكرة فيما يخص لابات فيلو جربتها فى العيد الصغير ولكن قعدت تبس
والله الا جنتنى
بغيت نعرف خاص ترقى بزاف العجينة
بارك الله فيك

و عليكم السلام مرحبا اختي
لابات فيلو كنت عملتها في احد الدروس بالتفصيل اطلعي عليها

المشاركة الأصلية كتبت بواسطة **زهو**

مشكورة بارك الله فيكي

و فيك البركة اختي

المشاركة الأصلية كتبت بواسطة توكل

اه نسيت لاجولى تاع سفرجل كيفاش حضرتيه ممكن الطريقة
ربى يعطيك ما تتمنى

المشاركة الأصلية كتبت بواسطة اميره 2008

بارك الله فيك اختي

و فيك بارك الله

المشاركة الأصلية كتبت بواسطة islam1aya

شكرا اختى علا الوصفة الرائعة ممكن وصفة لاجولي +معجون التباسا تع السفرجل

العفو اختي
معجون السفرجل
كيلو سفرجل مغسول و مقشر و تقطعيه مكعبات صغيرة و تضيفيلو كاس عصير ليمون و كيلو سكر الاشوية و نخليه يبات

لغد نحطو على نار هادية يغلي حتى يتكثف و كل مرة ننزع الرغوة اللي تتشكل من فوق
اما الجولي نشكر صاحبة الوصفة الاصلية لاني شخصيا اول مرة نجربو فبارك الله فيها و جزاها الخير
قشور السفرجل مع اللب و النواة =السر كله في النواه التي تحتوي على مادة البكتين اللي تخليه يتكثف
تضيفلهم الماء حتى نغطيهم و نحطهم يغلو على انار من بعد نصفيهم
و ندير كيلة من الماء لي غلات فيه القشور مع متلها كيلة سكر و نحطهم يغلو حتى ينشف و يثقل نوعا ما
يبرد و يصير جاهز

المشاركة الأصلية كتبت بواسطة chimitta

الله يعافيك اختي