مشكلتي مع اخي

[مشكلتي]

مشكلتي اني لا احس بشيئ تجاه اخي يعني غريب عليا و احيانا نحس اني نكرهو و ما نحبش نشوف في وجهو حتى اني لما نشوف فيه بسرعة ندور راسي
و السبب انو فارق العمر بيننا جد ضئيل يعني من جيلي لكنه بعيد عليا بزاف
يعني ماكان حتى كلام بيناتنا ولما نحاول نتناقش معاه في موضوع يحاول بكل الطرق السخرية مني و تسفيه رايي
و احيانا يفتعل معي المشاكل دون سبب يعني ينوض من الفراش يحاول يثير مشكل سخيف واحيانا يحاول ضربي و يعايرني كي الولد الصغير ولما تدافع امي عليا يقوللها حليتيلها العين و صحابي يضربو اخواتهم و ما يرجعوش كلمة
انا بطبعي حساسة و عاطفية نحب اخي الوحيد يتكلم معايا و يصاحبني كيما باقي البنات لانو اخي الوحيد و انا اختو الوحيدة بصح العكس تماما حتى اني في كثير من الاحيان نسمح من حقي
الكره وصل بيا اني حاولت ناذيه في اكثر حاجة يحبها و نخربلو علاقتو لانو مصاحب وحدة لكن من بعد لعنت ابليس
المهم انو الامور اللي تضايقو تفرحني يعني شعور غريب
و ملاحظة هو جد ودود مع الغرباء يعني ممكن يساعد صحابو و ما يساعدنيش اذا خير بيننا
ومذا طلبت منه مساعدتي لا يفعل الا اذا قبض المال لكن مع اصدقائه مساعدة ببلاش المهم يضحكو معاه
و جميع من في العائلة يقولولو احمد ربي على اختك لاني بطبيعتي هادئة و ملتزمة و محترمة يعني ما عندو حتى سبب انو يكرهني حتى الاهل مفضلينو عليا ماديا و معنويا
عذرا على اطالة الكتابة

السلام

[Honey on the heart]

شوفي اختي حتى انا عندي نفس المشكل،عندي خويا فاتني بعامين عينو غير علي كل مرة بمشكل جديد حتى كرهت منو،حتى كي نقولو يشريلي حاجة بدراهمي لازم نزيدلو مصروف ليه باش يروح،مي مهما كان الاخ يبقى يخاف على ختو حتة لوكان مابينش.

[نورسين.داية]

ممكن سوف يكون ردي غريب ........لكن ما ربطكي به ....................في مختلف مناحي الحياة ...........

و علاش ما تقضيش... أمورك.... لوحدك ....و انتهت القصة ....انا شخصيا ...مند بلوغي سن 16 سنة أقضي اموري بنفسي ....في سن 16 سنة إستخرجت بطاقة التعريف الوطنية ..............................و البلدية قريب نسكن فيها ..............هههه

عموما هي مسألة ......تنظيمية فقط لا غير ....وفقكي الله أختي

[حلمي الجنان]

انا كنت متلك ولكن الان بيضت قلبي وقلت هدا خويا لازم نقبلو كيما راة ونحمد ربي على كلش وندعي لربي يصلحو ويهديه ما لك الا الدعاء ونزع الحقد من قلبك وضعي بدله الحب والرحمة

[صاحبة القلادة]

الخاوة كامل كيما هاك وفي وقت الصح تلقايه يخاف عليك ويشتيك وما يحبش واحد يمسك بحاجة

[imi02i]

ماتستغربي ماوالو ........ زايدين على روس بعضكم
ومن طبع الإخوة يحبو السيطرة خصوصا على البنات أخواتهم
كي تجي مرتو للدار راه يولي عاقل ....

[soheib+206]

ماعنديش أخت و كي قريت مشكلتك

و الله غير فرحت كي ما عنديش أخت ههههههههه

كون راهي مخربتلي حياتي

[Lydia istanboul]

الجواب بسيط: الاسباب قد سبق و ذكرتها فلا تحتاري،اولا الاختلاف الطفيف في العمر يؤدي الى حالة منافسة ما بينكم و بطبيعة الحال كرجل يحاول السيطرة على الاخت من هلال فرض نفسه بقليل من القسوة ربما،ثم السبب الجي و لي ربي يهدي الاهل عليه هو تفضيل اهلك لشخصك الكريم على اخوك مما يشعل الغيرة ما بينكم،على كل حال لا تقلقي حال كل الاخوة كحال توم و جيري و اكن صدقيني هو يحبك و يوم تحتاجين اي شي ستجدينه....و ربي يحفظكم لبعض

[Ayad Gsm]

لا تقلقي هذه الأشياء عادية جدا في هذا السن ربما تقاربكما في السن هو الذي ولد هاته التصرفات أطيعه و سوف ترين بأنه سوف يغير طريقته و ثقي أختي أنه عند الضيق و الشدائد لن تجد ي غيره.هل تعرفين هذا المثل ( خوك خوك لا يغرك صاحبك )؟.

[بلسم غرام2018]

ادعيلو بالهدايه

[chira-dz]

المشاركة الأصلية كتبت بواسطة soheib+206

ماعنديش أخت و كي قريت مشكلتك

و الله غير فرحت كي ما عنديش أخت ههههههههه

كون راهي مخربتلي حياتي

السلام عليكم ان لم يكن لك اخوات فلربما سيكون لك بنات ان قدر الله و كل و مفهومه لهذا المشكل فينا نحن فلنغير من انفسنا و لنحترم ذواتنا وغيرنا و لنرقى باخلاقنا قليلا
تفضل هذا الحديث العظيموقل لي ما رايك

أَخْبَرَنَاابن المبارك ، قَالَ : أَخْبَرَنَا سُفْيَانُ بْنُ عُيَيْنَةَ ، عَنْ سُهَيْلِ بْنِ أَبِي صَالِحٍ ، عَنْ أَيُّوبَ بْنِ بَشِيرٍ ، عَنْ سَعِيدٍ الأَعْشَى ، عَنْ أَبِي سَعِيدٍ الْخُدْرِيِّ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ كَانَتْ لَهُ ثَلاثُ أَخَوَاتٍ أَوْ ثَلاثُ بَنَاتٍ أَوْ أُخْتَانِ فَأَحْسَنَ صُحْبَتَهُنَّ وَاتَّقَى اللَّهَ فِيهِنَّ فَلَهُ الْجَنَّةُ " .

[chira-dz]

السلام عليكم اختي
انت لا تكرهين اخاك ابدا بل تكرهين تصرفاته او بالاحرى لست راضية عن تصرفاته و ما شابه فاما ان تكرهينه فهذا لا يعقل؟؟ فهل تتمنين له الشر او الاذى ؟؟ طبعا لا فاذا انت تحبينه
هل تتمنين له المرض او السوء طبعا لا ؟ فانت اذن تحبينه

المسلم اخو المسلم فمابالك باخيك الحقيقي
دائما الاخ يحاول التسلط على اخته
فانا ايضا لي اخوة و اخ بحكم انه الاقرب الى سني ففي صغري كان يحاول ان يظهر رجولته علينا نحن البنات و انه لولاه هو لكان امرنا امر الى اخره .....
كنت اكره تصرفاته و لكني لا اكرهه ابدا وتشاجرت معه و لكن في الاخير يبقى الاخ اخا و حسن المعاملة واجبة ...
فان اخطا احاول ارشاده بالتي هي احسن و احاول ان اظهر له مشاعر المحبة و انني فخورة بكونه اخي ......

و لقد تطرقت اخيتي الى نقطة كونه له صديقة هنا ضعي تحتها الف خط عن اي صداقة هذه و هل يوجد صداقة بين الجنسين ؟ كل هذا لا يجوز فلتنتبهي اختي لهذا الامر
اعرف انه صعب التحدث معه كونه هو المتسلط و لكن الخطا لا يمكن السكوت عنه و لا بد من حزم و صرامة من جانب الاهل فاين ابواك من هذا ؟ ام انهما يرضيان بمثل هاته التصرفات ؟
حاولي اخبار والديك بهذا الامر حتى يضعا له حدا
اما عنك فحاولي مع اخيك و اظهري له بانه في نعمة كون له اختا فان احسن صحبتك و اتقى الله فيك كانت له الجنة

اختي حاولي ان تضفي في جو بيتكم مبادئ الاخلاق الاسلامية و برامج تنافسية بينك و بينه
فالمؤمن لا يكره ابدا كما قلت لك فانت تكرهين طباع اخيك فقط
فحاولي صحبته بالتي هي احسن

هذا ماجال في خاطري اسال الله ان يوثق الود بينكما و ان يهديكما لكل خير

[النويري]

المشكلة فيك أنت .

كوني ودودة معه ، و نفذي أوامره ولو مكرهة ،و ستجدين نفسك محبوبة عنده . العناد هو سبب المشكلة

[fatrach]

الاخوة كامل هكد تقولي برك شكون لي مدبزتش معا خوها شكون ماضربهاش خوها كامل هكد مع كي نكبرو يكبر عقلنا نرجعوا ندبزو واحدة مرة فلعام كامل كي كونا صغار كما ندابزو و دورك الحمدولله الحجة الوحيدة كي يعايرك خوك ماترجعيلواش و سكتي هدا هو الحل والوحيد ونتي قضيلوا حجتوا هو تاني يقضيلك حاجتك سلام

[assia81]

السلام عليكم ورحمة الله وبركاته
ماتكرهيه ماوالو يضل خوك وحاولي تصبري عليه يجي النهار ويندم كي تجيه مرتو وتوريلو النجوم في عز النهار يقول ياحسرى على اختي لحنينة ويرجع يعاملك مليح وميفرطش فيك كما درك