مارأيكم يا جزائريات في هذه المقولة ؟؟؟؟؟؟؟؟

[samirovich]

المرأة الجزائرية تُصلي، تقرأ القرآن، تصوم، تُزكي، تتحجّب، تتنقّب
تجبدلْها على تعدّد الزوجات تكْفر عليك

[bina71]

أضحك الله سنك
سأقول لك شيئا نحن نعلم ان التعدد حق شرعي
ولكن المراة مثل الرجل لا تستطيع ان تتحمل أحد آخر يشاركها في شريك حياتها

[lidouch]

هههههههههههههههههههههههههههههههههههههههههههههههههه هه تعرف لاه الراجل ميخممش كي كون قد حالو يتزوج و نهار يدفا جيبو يحب يعيش حياتو

[it's me]

المشاركة الأصلية كتبت بواسطة lidouch

هههههههههههههههههههههههههههههههههههههههههههههههههه هه تعرف لاه الراجل ميخممش كي كون قد حالو يتزوج و نهار يدفا جيبو يحب يعيش حياتو

هااااذيك هي
في وقت الغمة يلقاها تهز معاه الهم و من بعد يجيب عليها زوجة ثانية

[harague]

التعدد حل لقضاء على العنوسة

[المقاومة]

وعلاه لالا
التعدد الله حللو حنا نحرموه
لكن التعدد بشروط
اذا توفرت فيه الشروط انا نخطبلو :d

[هبة الله اريج]

المشاركة الأصلية كتبت بواسطة harague

التعدد حل لقضاء على العنوسة

حل العنوسة ماش على ظهري انا
ارفض

[لينة نور]

المشاركة الأصلية كتبت بواسطة harague

التعدد حل لقضاء على العنوسة

السلام عليكم

[ حتى نزوجو لولاد لي راهم يستنو وكاين الي عنده ربعين عام ومزال مسكين ما دار دار ]

وبعدها نفكر فيما تبقى من البنات هذا اذا تبقت بنت بلا زواج .

في عائلتي بين ابناء اعمامي وابناء اخوالي وخالتي أكثر من عشرين ذكر كلهم تعدو سن الزواج ولم يتزوجو بعد .

[meriemkay]

الزوج هو الحياة وان تزوج انقسمت الحياة
ياويلك يا زوج المستقبل لوكان تفكر برك

[alger1]

الزوج هو المستقبل هو الحياة سمي شريك العمر لاانه شريك في كل شيء لا استطيع ان اراه ذاهبا الى اخرى وعيني تشوف وانا على قيد الحياة بصراحة على جثتي

[samirovich]

شكرا على مروركم

[زينوبة 45]

هههه هادي غريزة في المرأة نتحدى أي وحدة تقول نقبل راجلي يتزوج عليا أي امرأة تبغي راجلها ليها وحدها حتى وحدة ما تشركها فيه وزيد حنا ما نبغوهش يطيح في الحرام في حالة ما يكونش العدل ربي صح حلل 4 نساء بشرط العدل و هاد العدل وين تلقاه ؟؟

[rayhana malak]

انا نظن بلللي هذا الامر مايخصش غير المراة الجزائرية فكل نساء العالم مهما تكون درجة الدين ودرجة الوعي ودرجة الثقافة ماتقبلش واحدة اخرى تقاسمها في راجلها وهذي لحاجة في نفس يعقوب قضاها

[ام ايمان16]

الله غالب

هذي هي تركيبة اية امراة متحبش اي وحدة تشاركها في حاجة تملكها وحدها
لانها تكون في هذي الحاجة انانية جدا وغيورة جدا وتحب زوجها يكون ليها فقط لاغير

[7anine 87]

ليست فقط الجزائرية ولكن المراة عموما ولكن ليس لدرجة الكفر والعيا\ بالله ولكن نحن فقط نتمنى على الرجال ان يفهوا التعدد فهما صحيحا وان لا يقدموا عليه الا وهم متاكدون من انهم قادرون عليه