ارجوووووكم عاونوني.......

[ام مريومة]

شكرا لكم لقد حلت المشكلة

[ام مريومة]

وين راكم يا ولاد بلادي راني في الغربة وحدي وما عندي غير انتوما

[abora]

والله ياختي
مشكلتك لازمها صبر بزاااااااف
وتتحملي مدامك معا راجلك تتحملي معاه كل شيئ مليح ومش مليح
ربي يحميكم إن شاءالله ويريحلكم بالكم

[ام مريومة]

شكرًا abora

[حكيـ الجَزآئِرِي ــم]

ما دام مدايرة فينا الثقة و حكيتيلنا عالمشكلة نتاعك

كوني صريحة : يعني صح ما قلت والو لراجلك

[بنت فرجيوة]

صح فطورك اختي

اذا حبيتي رايي انساي اللي فات او اتناساي لانهم اهل راجلك يعني في مقام اهلك و حسبماحكيتي على ردة فعلهم اكيد ماريحينش يتراجعوا

و كل مجهوداتك انت و زوجك رايحة تفشل

و هذا مع الوقت رايح يضرك انت بالدرجة الاولى و كيما يقولو عندنا الوالدين يضلموا و يفقسوا

اربحي ربي ثم اربحي زوجك و الدراهم هما وسخ الدنيا و ربي ان شاء الله رايح يعاونكم و تجمعوا اكثر من اللي راح

برك ماتعاوديش نفس الغلطة و خلي دراهمك عندك

و في الاخير نقولك خليها على الله و اسمحيلي على الاطالة

[ام مريومة]

ههههه والله غير ربي اللي شاهد قوتلو اعطيهم خمسين مليون و يزيدو يبيعو السيارة نتاعهم ويشرو وهادي الهدرة هدرناها في الطيارة يعني من الاول قبل ما يهدرو هوما

[ام مريومة]

أختي بنت فرجيوة شكرًا لك بصح رح نحاول نتناسى لأني قررت كل واحدفي حدو

[YARMORACEN]

حتى لو كان أحكيتي مع راجلك و حرشتي فيه ، ما تكونيش ما درتي حتى غلطة ، انتي من حقك أن تقولي و تراي على راجلك

أهدر مع راجلك و أطلبي منه يركز باه يشري دار ، أنتي راكي زوجته

[ام مريومة]

yarmoracen شكرًا على هذا الدعم وإن شاء الله ربي يوفقنا

[ام مريومة]

بصح لوكان راكم في مكان زوجي واش راح ديرو؟؟؟

[حكيـ الجَزآئِرِي ــم]

المشاركة الأصلية كتبت بواسطة ام مريومة

ههههه والله غير ربي اللي شاهد قوتلو اعطيهم خمسين مليون و يزيدو يبيعو السيارة نتاعهم ويشرو وهادي الهدرة هدرناها في الطيارة يعني من الاول قبل ما يهدرو هوما ولكن هوما حابو يعطيهم 135مليون كاملة و حتى انا عندي دراهم عطيتهملو باه يزيدهم للدار

كانت مجرد مزحة شكرا على صبرك
والله أساس كل أسرة التفاهم والتشاور بين الزوجين
فإذا لم تنصحي زوجك بالحفاظ على ماله فمن يفعل ذلك معه
والحمد لله فزوجك كما ذكرت شخص مثقف
ويمكن أن يقنع أهله بأن شراءه للبيت أولى من شرائهم للسيارة
فالعقار في الجزائر يتضاعف بشكل رهيب
فأنا أرى أن يقنعهم بضرورة شراء منزل أو قطعة أرض
ثم يساعدهم بعد ذلك في شراء السيارة إن استطاع
" او ما تقوليلوش ما تعاونهمش " ههه
شكرا مرة أخرى

[YARMORACEN]

المشاركة الأصلية كتبت بواسطة ام مريومة

بصح لوكان راكم في مكان زوجي واش راح ديرو؟؟؟

ما يشفو لا درهم و لا دينار حتى يلقاو الدار

[ام مريومة]

شكرًا اخي حكيم والله تشجيع كم ليا فرحني بزاف ورجعلي الثقة بنفسي

[ام مريومة]

المشاركة الأصلية كتبت بواسطة yarmoracen

ما يشفو لا درهم و لا دينار حتى يلقاو الدار

صح الدار راهي مهمة بزاف في بلادنا وشكرا على رايك الصريح اخي