ماهو الحل

[مشكلتي]

اتعرفت على شخص في احدى المواقع المخصصة لي الزواج في نفس اليوم التقيت به لاكن دون التحدث اليه كي وليت لدار قالي الحمد الله انتي مرتي و مكتوبي انا فرحت شيئ عادي
بعد مرور يومين طلب باه نكلم ماما في الموضوع بلي راه حاب الحلال و قالي في هدو يومين رني نكلم الوالد تاعك
في نفس الوق خطبني انسان اخر جورينا املا توخرت الخطبة تاع السيد لي تعرفت عليه
و لضروف ربي مكتبليش مع وليد جورينا عيطلي هداك اشخص و حكيتلو بلي مكان والو
المشكل دروك راه في شخص لي تعرفت عليه هو يتيم و معندو حتى واحد في هدي الدنيا غير جداه و جداتو و هما مراض راه كل مرة يتحجج بيهم بعدما كان عندو حماس كبير باه يكلم عائلتي و يخطبني رسمي راه مشكل مورة مشكل دايما و يتحجج خطرة دراهم معنديش خطرة خدمة راهي مكرهتلي حياتي كل مرة و خرجة مع العلم هو من نفس ولايتي وانسان خدام و عندو مسكن خاص
يعني قادر باه يدير خطوة واحدة
راني غير نفاتحو فالموضوع الزواج ولا الخطبة يبدا يشتكيلي من هدي الدنيا و هموم و انا دايما لمحلو بلي كرهت من هدا الوضع ولا مراهش حاب مازال الحال
نفهمو غير يفهمني واش كاين و زيد كان يوعدني يقولي سمانة هدي نجي مي مكان والو
في ميزكم شتاهي طريقة لي نسقسيه بيها بلا منخليه يقولي مكيش عدرتني
و يمسح الموس كامل فيا انا
راني حساتو راه يتهرب واجهتو مرة و داقيتو و بهدلتو و قتلو لا متقدرش دير الحلال خلاص كل واحد ربي يسهل عليه
اصبر عليا و قالي لا انب ان شاء الله لي تدخلي داري
شتاهي فايدة تاعو مني انا والله غير حرت معاه و كرهت مالقيت باه نواجهو

[hassendz]

السلام عليكم و رحمة الله
صح عيدك اختي و كل عام أنت بخير
******************************************
أختي الكريمة الحل راهو في يديك و هو اسلوب الحوار يعني قوليله لازم نقفلو هذا الملف باش نعرف روحي شا ندير
و أظن ان "خاتم الكلمة" ماشي واعر بزاف يعني خاتم تع 2 ملاين و مبروك عليكم و من بعد يقدر يلم روحه و يدير العرس بما أنه يملك وظيفة
ربي يسهل ان شاء الله
أخوك حسان الغليزاني

[l'étoile]

اختي راح واضح راه حاب اروح بصح ما لقاش الطريقة و رهو يتلاعب بيك في الهدرة انا نصيحتي احسمي الامر قبل فوات الاوان كل يوم يمر ليس في صالحكي

[samir 1990]

كان يتلاعب بك

[عبد العزيز البدري]

الحل قولي ادا حاب تحكب معيا ارواح لدارنا تما نحكو
وقطعي علاقتك بيه
ممكن راه يطمع فيك بالزوزاج حتى يخليك تتعلقي بيه ومن بعد يدير رايو فيك
نصيحتي اقطعي علاقتك نهائيا

[•~ندية الجوري~•]

عيدكم مبارك و كل عام وأنتِ الى الله أقرب


أظن ... و على حسب ما جاء في سرد قصّتك

أنكِ من تسبب في فتور رغبته في المجيئ لبيتكم
رغم أن البداية كانت خاطئة
إلاّ أنه ماكان عليك ان تقبلي بمجيء ولد الجيران
و انت إتفقت مع هذا الشخص
هنا أنت أخطأت ...
ربما علم بالقصّة منك أو من غيرك
و هذا ما جعله يغير نظرته إليك و رغبته فيك
فأنت كنت ستغيرينه و تتركيه لو أن الحظّ إكتمل و القدر جمع بينك و بين جاركم

فلا تلومي أحدا في شيء أنت سبقته إليه

و لا تنتظري منه أن يأتي لبيتكم
فالواضح جداً
أنه يريد أن يقطع ما بينكما
لكنه يتماطل و يتباطئ


وفقك الله و اسعدك و رزقك زوجاً صالحاً

[مبروكة الصحراء]

الفايدة نتاعو راه يوقت بيك
نصيحة أختي قطعي معاه الاتصال نهائيا و آخر كلمة تقوليهالوا قوليلو إذا عينك فيا رواح للدار و مانزيدش نهدر معاك حتى تولي كاينة حاجة رسمية بيناتنا
لاااااااازم ديري هاك باش تعرفي واش راه ناوي إذا يحبك صح يجي

[دكتورة بإذن الله]

وعليكم السلام و رحمة الله و بركاته
اختي الكريمة .. حسب تحليل مجريات قصتك
الشاب غير جاد في الزواج لاسباب يعلمها الله وهو ..
لكنه يريد ان يخرج من الباب الواسع و الله اعلم
و بالتالي انتهج سياسة التحجج بجده و جدته..
(و قصة ابن الجيران مدخل عشوائي في القصة ليس له محل من الاعراب )
لذلك ما اود قوله لك الحل بين اثنين
~~1~يا اما تحطيه امام امر الواقع ..و أنت تعرفين كيف تحطيه ..و اذا بقي يتحجج و متردد و يتماطل ..الخ
هنا اعرفي انه يريد ان يلعب فاتركيه يلعب في الميدان لوحده لأن زمن اللعب قد فات ..
[ و اعلمي ان الرجل الجاد في الزواج سيجد لكل مشكل مليون حل و لا يلعب اي دقيقة ببنت الناس
و لا يتحجج بزيد و عمر ..بل يخطو خطوة ايجابية في حدود الدين و يتكل على الله وبعدها لكل حادث حديث ]
~~2~يا اما تنسي امره لانك لو بقيت معه فهو لن يخسر شيء بل سيسعد لانه سينتهج سياسة ملأ الفراغ....الخ
و انت من تخسرين عمرك و دينك و اخلاقك....
في هاته الحالة اسحبي نفسك و انسي امره نهائيا احسن لك و لدينك و من ترك شيئا لله عوضه بأفضل منه
في الاخير أنصحك بالاستخارة و معرفة اين موقعك ؟! و انتهاج الحل الاول لان المواجهة أحسن بكثير..
ونسأل الله لك ان كان فيه خير لك و لدينك و عاقبة امرك قربه الله لك و ان كان العكس ابعده الله عليك و يرزقك الله بافضل منه
و الخير فيما اختاره الله لك
هذا ما اظنه و الله ادرى و اعلم

[pretty meri]

سمعي يا بنت الناس انا على حساب شا فهمت منو جابلي ربي راه يتهرب خاتش الرجل كي يكون حاب واحدة مايقعدتش يتسبب عليها و هي صح الشباب تاع دروك صعيب عليهم باش يتزوجو خاتش كاين إلي ما يخدمش و كاين إلي ما عندوش الدار بصح نتيا هاذا راكي تقولي بلي عندو الدار و يخدم علا مايديرش خطوة يدمنك بيها ليك و أنا جاتني بيزار كيفاش يومين ثقولك نتي حلالي هاذي ماكانش منها راه يلعب نتي الحل تاعك بعدي عليه و قوليلو نهار إلي ديسيدي باش إجي لدارنا تماك نهدر معاك . و نزيدك حاجة أنا دايمن نديرها صلي صلاة الاستخارة عليه راه ناويك للحلال تسما صلي عليه و إن شاء ما يكون غير الخير

[#أريج الجنة#]

أخياتي في الله ، أنا أرجو منكم أن تبتعدوا عن مواقع الزواج هذه ، كل شيء في يد الله جل جلاله ......................و أدعو بهذا الدعاء * اللهم أرزقني الزوج الصالح الذي يعينني على طاعتك *

[ليونيل ميسي]

المشاركة الأصلية كتبت بواسطة نـدِيـّة الجـُوريْ ~

عيدكم مبارك و كل عام وأنتِ الى الله أقرب


أظن ... و على حسب ما جاء في سرد قصّتك

أنكِ من تسبب في فتور رغبته في المجيئ لبيتكم
رغم أن البداية كانت خاطئة
إلاّ أنه ماكان عليك ان تقبلي بمجيء ولد الجيران
و انت إتفقت مع هذا الشخص
هنا أنت أخطأت ...
ربما علم بالقصّة منك أو من غيرك
و هذا ما جعله يغير نظرته إليك و رغبته فيك
فأنت كنت ستغيرينه و تتركيه لو أن الحظّ إكتمل و القدر جمع بينك و بين جاركم

فلا تلومي أحدا في شيء أنت سبقته إليه

و لا تنتظري منه أن يأتي لبيتكم
فالواضح جداً
أنه يريد أن يقطع ما بينكما
لكنه يتماطل و يتباطئ


وفقك الله و اسعدك و رزقك زوجاً صالحاً

انا اوافقك الراي اختاه

[abdel02]

لا تحطي من قيمتك وتتوسلي اليه وكانه ليس في الدنيا رجال...برهنيلوا انك بنت عفيفة
وطاهرة وخليه هو يجري موراك اذا صح ناوي الزواج.

[محمد...عبد النور]

السلام عليكم أختي الكريمة
الحل بيدك
قولي له : بين الموقف نتاعك و اجلي أمورك
و اعطيه مدة أسبوع يجي يخطب و يكمل...و الا قوليله كل واحد يروح في طريقه
نتي راكي خايفة الامر يجي من عندك ، ايا يمسح فيك الموس و يقولك نتي حبيتي هاك
نتي في الواقع مين يطول معاك هاكا واش فايدتك ، اول الامر كان جدي و بعد خطبة ولد جوارينكم راه تبدل ، اذن السيد راه بطل او تبدل رأيه و راه يطول في الحال
اعطيه مدة و الا ما جاش ربي يرزقه من بابه الواسع ، مكتوب ربي حد ما يمنعوا ليا جا و حد ما يعطيه ليا منعوا ربي
لا عليك رزقك عند ربي و صلي صلاة الاستخارة و ربي يتمم بالخير
أسأل الله أن يفرج عنك همك و يرزقك زوجا صالحا عاجلا غير آجر و يصرف عنك كل ظالم
ســــــــــــــــــــــــــلام

[اناناسة]

السلام عليكم ، برأيي الحل هو ابتعادك عنه ،قولي له أن باب بيتكم موجود و عندما يصير جاهزا يدقه. لا تستمري في الحديث اليه لأنه بنظري لا يريد زوجة يريد من تسايره، تصبره، و تواسيه و عندما يمل يتركها لذا توقفي عن الحديث معه و انظري ما يفعل. فإن كان يريدك فإنه سياتي و إن كان يريد فقط من تؤنسه فإنه سيختفي.

[j-med]

اختي هاذا تعرف عليك و شافك و حب يخطبك في نهار ؟؟

يوجد نظريتين لا ثالث لهما

اما راه يلعب برك ....

و اما هاذا ماشي انسان طبيعي يتخذ اكبر قرار مصيري في حياتوا في ساعات ،،، ربما غدوا يشوف وحدة في الشارع تعجبو يخليك باش يتزوج بيها