عذاب كبير ( تابع )

[مشكلتي]

السلام عليكم كان لي موضوع بعنوان عذاب كبير تجدونه في هذا الرابط https://www.djelfa.info/vb/showthread.php?t=1067866
أحزنتني ردودكم جدا لأنكم تخالونني عديمة الحياء ... أنا لم أختر أن يكلمني و لم اعطه الفرصة كما تتصورون أقسم أنني لا أتحدث معه كثيرا و اظل صامتة جل حديثنا واش راكي لاباس ؟ الحمد لله .. المهم كي راكي بخير اني عيطت نسقسي برك في لامان في لامان
و المرة الأخيرة اللي قتلكم طولت فيها كان عندو مشكل - مرض - و حب يحكيلي .. و 10 اتصالات باش هزيت و الله العظيم ما كنت حابة مي كي ألح قلت أمر خطير و فعلا كان كذلك
لا أقول لم أخطئ أنا اعترفت بذنبي و صححت الأمر و أسأل الله ربي أن يغفر لي زلتي لكن ليس للدرجة التي تصورها البعض ممن رد على موضوعي
بكيت كثيرا حين قرأت بعض الردود منها هذا .. غاضتتني روحي و نقللك ربي يسامحك لأني واثقة أنني لم أفعل ما يستحق منك هذه العبارة
سبحان الله
أصبح هذا القسم رهنا للعاشقات
الله يهدينا

سامحك الله لأنني لست كما ذكرت :'( لست كذلك أبدااااااااااااا

ما زادش عيطلي و مش راح يعيطلي ان شاء الله ... و غلطة البورتابل ماش راح نعاودها لآخر يوم في حياتي ... هذا وعد قطعته على نفسي أمام الله .. و ما نزيد نحكي مع حتى واحد إلا اللي يجي للدار

و حكاية الجامعة ما يقراش معايا اولا و ثانيا ما كانش يقوللي نتلاقاو و نحكيو دايما و أنا مستحيل نعملها مستحيييييييل

شكرا لكل من نصحني بلطف و تفهم موضوعي شكرا لكم لكني أقسم لكم أمام الله أني لست كما تخيلني البعض .. لم أحس بنفسي إلا و أنا أتحدث إليه في الهاتف و لم يكن ذلك مرغوبا أو محببا إلي في يوم من الايام و جامي لا حكينا على الحب أو ما شابه ذلك ..

سلام

و أكرر أنا معترفة بخطئي و الحمد لله لم يعد هناك حديث على الهاتف و لو لدقيقة أو ثانية و لن يكووووون بإذن الله

[samir 1990]

لا تحزني يبا أختي أرى أنك فتاة عفيفة حفظك الله بل كنز لكن فقط لا تتكلمي معه في الجامعة لأني حسب ما فهمت هو يريد ذلك لكن أنت إبقي متربية هكذا و لو يحبك حقا يأتي لبيتكم بعد سنوات يعني لما تكبروا

[~~نهال~~]

الاعتراف بالخطا فضيلة اختي اذا استطعت غيري رقم هاتفك و غيري بريدك في الفايسبوك و ابتعدي ن الفتيات اللاتي ممكن ينقلولو الهدرة او معلومات حسابك الجديد في الفايسبوك ماتزيدي ليزامي لا والو

[abdel02]

ومن الناس من يضع مشكلته هنا لأجل طلب المساعدة فإذا بها تتحول الى معضلة

[lilou f lilou a]

ربي معاك اختي

[أكوام الورد]

أختي المهم أنك لقيتي الحل لمشكلتك الحمد لله
ربي إن شاء الله يسترك و يسرلك أمورك

[safou safaa]

اجي تحكي همك و تنحي على خاطرك يزيدوا عليك ياخي حالة
ختي ماكاش فينا اللي مايغلطش او هادي تع التلفون مام هادرولك حاجة عيانة مي سور يديروها الا من رحم ربي
وش يكونوا باش يسمعوك كلام هاكداك يصلوا زوج ركعات فالنهار خلاص دخلوا للجنة
ربي يهدي ماخلق
انا شخصيا عجبتيني بزاف هادا اللي يديك يحطك مرا في داروا او مايخافش

[نجمة ساطعة]

انا رددت على الموضوع و لم اقل شيء عنك و عن قصتك

فقط علقت على مسألة اظن الناس اصبحت تستهزيء بالدين لدرجة كبيرة

ففتاة مثلا تتكلم مع شاب و تعلم ان هذا خطأ كبير عند الله و لكن لا تعطي صبغة دينية للموضوع بانها تتكلم معه حول القرءان و السنة

يا اخوة الحلال بين و الحرام بين و ربي يوفقك اختي لما يحبه الله و ترضينه

[كريستيان]

و هل هناك تواصل بينكما الان حتى في العطلة الصيفية

[بحجابي أنا نجمة في السماء]

خيرا ماعلمت اختي لعزيزة

ماتزيديش تردي عليه ولا كان حبيتي بدلي الشريحة كيما قالو البعض
هكا احسن شيئ
لكي يبقى هو في حدوده ولا يتمادى

رانا نغلطو صح مي راك تبتي والحمدلله
ررررربي يوفقك اختي في قرايتك

[hayet04]

اختي ماتحيريش خلاص هادو عوما العرب يردو الحبة قبة و لي قال عليك كلام خاطي قوليلو مايشك السفيه الا مافيه

[فريال المحتاجة عفو الله]

أختي أنا أول مرة نجي للقسم هذا و قريت موضوعك الاول و درك راني نشوف في لاسويت نقللك بلي أنا نشوف فيك عاقلة و متربية غير غلطتي مرة و الله غفور رحيم
ما تديريش على هدرة الناس رام كلهم يديرو كيفكم و اكثر الا من رحم ربي
و ان شاء الله ربي يكتبكم لبعض

[**د لا ل**]

اختي لا تحزني قد لا يكون البعض قاصدا لان يجرحك فلا تظني سوءاا بهم

وانا نصحتك بطيب خاطر واعتبرتك بمثابة اخت صغيرة لا اكثر

واعطيتك خلاصة ما عشته في الجامعة

حافظي على نفسك عزيزتي وادرسي جيدا كي تفرحي قلب والديك وتتحصلي على مراتب جيدة

اما الحب والزواج فدعيه لله سبحانه

وباذن الله سيرزقك بزوج صالح في الوقت الذي يراه مناسبا

موفقة اختي

[نور اليقين جيداء]

مادريش عليهم يااختي انتي شوفي نيتك مع ربي واش غلطتي انت ماغلطو ناس و الحمد الله ما احلى التوبة و او ندم بعد الخطاء
ربي يثبتك و هدينا الى الطريق المستقيم
و ان شاء الله ربي يرزقني و اياك و بنات المسلمين الازواج الصالحة

[عبد العزيز البدري]

يا اختي احدري من خطوات الشيطان
الشيطان يفتحلك الف باب لللخير حتى يوقعك في الشر
انت تتبعي هواك
وفي المثل يقولك الباب الي يجبك منو الريح سدو وستريح
لا تتلكمي معه وقعي علاقتك به وقلي لصديقتك انو حتى يجي للبيتنا ادا اكان مقدر لكما الزواج
المهم اخطيك اخطيك