نحب رايكم

[مشكلتي]

السلام عليكم احبائي في الله

نحب رايكم و نصائحكم

القصة ادور حول شاب في مقتبل العمر 30سنة عندو مدة صغيرة منين خطب وحدة لكن ساذجة مسكينة لانو ما سمعتش نصائح الناس حول خطيبها بحجة انو راجل و هو ملاك بين الناس لكن اصلو شيطان هاذ الشاب اتمسخر ببزاف بنات و حطمهم خبر خطبتو كان صاعقة ليهم وعد مئات البنات بالزواج يهدر مع شحال من وحدة في نفس الوقت حاكم جميع الولايات استغل منصبو و زينو هو طبيب و لكن المظاهر خداعة تاع الصح كان يركب معاه بنات في سيارتو و اخرين يتلاقى معاهم في مواعيد في دار فارغة وصلت بيه للزنا و هاذي الي خطبها حالة فايسبوك معليش لوكان مع بنات مي تهدر مع رجال و فيهم اللي يعرفوه انا قوتلو اللي مايغيرش على عرضو ماشي راجل صوا مرتك ولا اختك ولا حتى جارتك و قوتلو بلي ربي مراحش يباركلو في زواجو خطراش انقاسو بنات بسبتو و حطمهم ولا يبعثلك بنات و يصرالهم كيما درت انت في بنات الناس كما تدين تدان

واش رايكم في هدرتي خطراش ندمت كي هدرت معاه قالي حوايج قاستني منها الغيرة اللي بيك

[دكتورة بإذن الله]

راي يا اختي انك ما تهدريش مع هاته الاشكال و الانواع

انت لست داعية تخاطبين النساء فهذا رجل

و لا مصلحة اجتماعية

و لا نفسانية

و لا مديرة جمعية خيرية و مكلفة و مسؤولة بهذا الشأن

انت فتاة و ممكن اي حديث معه ينقص من انوثتك و دينك وووو

اجبدي رحك سواءا كنتي ضحية او كنت غير الضحية

و اخطيك من القيل و القال

لو كنتي شاب كنت نقولك انهي المنكر

لكن فتاة و كلمة منه تجعلك فُتات في ثانية ..

الناس راهي عافية و خاطيهم وتمشي من الحيط للحيط و ياستار ياعليم و ما سلكوش من المشاكل

فمابالك بمن يخلط في الحمى و الاوساخ اعزكم الله

فكل شاة تعلق من عرقوبها

الله يسهل عليهم الوقت لي رانا فيه راه صعيب و بركاي ما تخلطي في الناس

افهمتيني اختي هذا راي ..

[- بصمة خير -]

ادعيلوا بالهداية و الستر

فقط

[مشكلتي]

سلام نشكركم
اعتذر انا شاب و لكن دخلت بعضوية زميلة لي ;و هاذا اللي نحكي كان اعز اصدقائي و عييت ما نلمحلو باه يخطي عليه

[نور اليقين جيداء]

ربي يهديه ان شاء الله

[دكتورة بإذن الله]

المشاركة الأصلية كتبت بواسطة مشكلتي

سلام نشكركم
اعتذر انا شاب و لكن دخلت بعضوية زميلة لي ;و هاذا اللي نحكي كان اعز اصدقائي و عييت ما نلمحلو باه يخطي عليه

لم افهم ؟.

من اين دخلت ؟

وكيف دخلت .و بعضوية من دخلت على حسب تعبيرك انها زميلة ؟

و هل عضوية مشكلتي اصبحت متاحة للرد على الاعضاء ؟

عضوية مشكلتي هي للجميع و ليست عضوية فتاة

عموما اعتذارك مقبول اخي

ــــــــــــــــــــــ

بما انك شاب و كان اعز اصدقائك

انصحو و فهمو بنات الناس ماشي للعب...

المهم شوف اي طريق تدخلو بيه يعني مفتاح قلبه

خذه للمستشفيات لعيادة مريض كي يلين قلبه

خذه للمسجد و حلقات الذكر خصوصا و نحن على ابواب الشهر الفضيل

امنحه او اهديه اشرطة على عذاب القبر, القيامة . سكرات الموت ..........الخ

و سيزيد الاخوة الافاضل بعدي بتقديم النصح ...لانني لا افهم اكثر في هذا المجال

و إسأل الله له الهداية و ادعو له بظهر الغيب ..

ــــــــــــــــــــــــــــــ

و ارجو ممن يكتبون مشاكلهم ان هناك اعضاء يردون للمساعدة يضحون بوقتهم الثمين من اجل مساعدتكم

فنرجو توضيح المشكلة و مصداقية المشكلة و دقة الطرح ..

لاننا صرنا نلمح تناقضات بين رسالة 1

والرسالة 2....و جزاكم الله خيرا

[أم البشائر]

الفاسدين دايما يشوفو النصح غيره

ويجرحو باسوء كلام

اجتبيهم وخليهم ربي يهدي ولا يدي

[ناصرالدين الجزائري]

المشاركة الأصلية كتبت بواسطة اشراق الفكر

لم افهم ؟.


..........


و هل عضوية مشكلتي اصبحت متاحة للرد على الاعضاء ؟

.............

لا يستطيع صاحب عضوية مشكلتي الرد
لقد تم دمج رسالتين في رسالة واحدة
شكرا