قالك وحد الراجل متزوج و مرتو عاقر خطرة اصرت عليه و قالتلو اتزوج بامراة اخرى باش اجيبلك اولاد يعمروا علينا الدار وانا راضية تماما وانا نديرها كي اختي متخممش
قاللها يا امرا انعلي الشيطان يامرا وش راكي تقولي انا مستحيل نتزوج عليك ....
قالتلو قولتلك راني راضية على بالي بلي ماراكش حاب تتزوج عليا بصح وضعي حتم علينا
قاللها راكي حابتني نتزوج...ماعليه مايكون الاخاطرك
وراح هداك الراجل جاب جرة كبيرة غطاها و دخلها للبيت
فالصباح جات مرتو قالتلو راني حابة نشوف مرتك الجديدة قوللها تخرج
قاللها لالا اليوم خليها تريح و غدوى ان شاء الله تشوفيها
...وخرج هداك الراجل
كي عاود دخل لقى مرتو تبكي قاللها وش صرى وش كاين
قالتلو مرتك هديك لي جبتها راي خرجت ودارت لي حالة و سبتني و رفعت يدها عليا
قاللها ضرباتك امالا ارواحي تشوفي وش نديرلها
امبعد راح جاب عصا و راح لهاديك الجرة و كسرها و قاللها هدي هي اللي درباتك
و من ثم جا المثل اللي يقول ...الضرة مرة ولو كانت جرة
( تقرير عن مشاركة سيئة )، و الموجودة أسفل كل مشاركة .
2012-07-08, 20:11
الضرة مرةولو كنت جرة...قصة رائعة
العرض الشجري