السلام عليكم
وش راح نقولك أخي أنا كنت فيها رحت 25 جانفي خرجت معفى 2 فيفري
فالدخلة ينحولك الماكلة ماتدي معاك والو غير لاكان ديتي باش تاكل في الطريق
ماتقولهومش عندي هاتف خبيه مليح برك مباعد تولي تحكي بيه عادي
اليوم الأول والله حالة مزرية من 10 تاع الصباح وحنا هازين الكابة (ماتديش معاك بزاف حوايج والله تندم) حتى ال8 تاع الليل باش لقونا شالي وزيد تاع جنود
المهم الفطور جامي رحت الغداء نروح العشاء رحت مرة من ثم مازادوش شافوني
حاشاك المراحيض ميزيرية كبيرة لازمك تكون كوراج ولاكان قدرت ادي معاك مصباح صغير لاخاطر في الليل ماكانش الانارة
المهم تعرفنا على رجال الحق من السيفيل ولا حتى العسكر خصوصا قارد شالي
الفائض على حساب علمي ضباط حكمو 250 و طلقوا أكثر من 500 والله أعلم
في الأخير نقلك لازم تعفس على قلبك وتتكل على ربي وروح باش تتهنى منها لاكان عندك دواسا تاع ميديكال غير ادي معاك قدم وجدد وننصحك تدي الجدد خاصة وبطبيع الحال لاكان عندك معريفة غير ابد من درك وربي يسهلك ان شاء الله ليك وللجميع
سلااااااااام