ممم السلام حبيبتي
بالنسبة للسلطة راهي النت معمرة ديكورات رووعة اخدميهم مع الضباح وديريلهم سيلوفان وخليهم في الثلاجة بدون خل
والمقبلات نقترح عليك تدخلي لليوتوب وتديري العجينة المورقة السحرية لام وليد روعة وزوج دقايق توجد و بهاد العجينة ديري شوي سوفلي او ميني بيتزا او شكلي كيما تحبي باسكو العجينة المورقة تقدري تبدعي بيها اشكال والوان اما الحشو اخدميه مع الصباح وحطيه واجد خير
وزيدي ديري حميس
ولي قراتان ديري قراتان بطاطا شاورما تاع الهام رووووعة و بنص صدر دجاج برك والينة رووووعة وتحمر الوجه قدام الضياف وزاكية ديريها على ضمانتي بنة ولا اروع
ووطاجين الزيتون ادخلي لقسم المسابقات تلقاي طاجين الزيتون بلمسة عصرية والبنات بدعو فيه ادخلي وشوفي وخيري لي يعجبك
وزيدي ديري جاج روطي على طريقة الهام اي دارتو موضوع جديد جربتو وخرج روووعة مام الديكور تقدري تبدلي وتديري شوي بطاطا كيما هي شوي ارز يخرج تحفة
وزيدي حطي زيتون كاسي في صحون صغيرة
والمعجنات تقدري تديري مطلوع او كسرة اوخبز ادخلي وخيري من قسم المعجنات
ركزي على التزيين يلعب دور كبير
والتحلية بعد العشاء
ادا حبيتي وجدي تاي ومكسرات وحلوة الترك قطعيها كتلتات وديريلها لي كيردون وادا قدرتي زيدي ديري تيراميسو بالنيتيلا في اكواب صغيرة تاع ام اماني ساهل وميكلفش ويصلحلك من اول مرة