السلام عليكم ورحمة الله تعالى وبركاته ان شاء الله تكونوا كامل وعائلاتكم بالف خير بلا ما ننسا نقوللكم بمناسبة عيد الاضحى عيد سعيد وكل عام وانتم بخير ينعاد علينا وعليكم بالخير والبركة اليوم حضرت فطوري مرقاز حبيت نقدملكم طريقتي في تحضيره فالاول نرحي اللحم هنا عندك الاختيار تحبي ديري هبرة وحدها او تخلطي شوية شحم معاه وفي كلا الحالتين يجي مليح المهم انا رحيت اللحم وقسمتو على 2 الجزؤ الاول درتلو درسة بيضاء متكونة من ثوم وكمون وملح والجزء التاني درتلو درسة حمراء وحارة بالفلفل دريس وثوم وكمون وملح عجنتو مليح حتى تنسجم اادرسة مع اللحم من بعد اخواتي الفضليات لي عندها المشينة نتاع المرقاز تستعملها وراح تسهل عليها العملية ولي ما عندهاش كي حالتي تبحث في ارشيف ادوات المطبخ عن اي سيء يشبه لي راني نخدم بيه او من الاحسن يكون اطول انا استعملت بوشون نتاع علبة الكريمة والشكلاطة لي صورتهالكم خديت البوشون وقطعتو شوية من الاعلى ثم دخلت فيه المصران وكمشتو باه يسهل عليا نعمر حبة اامرقاز نعمر بالحبة ثم ندورها باش تقعد ثابتة من بعد نزيد نعمر التانية ونزيد ندورها وفي نفس الوقت نسرح شوية هداك التكماش حتى نكمل المصران وان شاء الله الشرح لي فالصور يكون مفهوم تحياتي للجميع هدا رابط طريقة غسل المصرانhttps://www.djelfa.info/vb/showthread...post3994381674