عندي زوج وصفات
الوصفة الأولى :
1 كغ فرينة
ربع لتر زيت
1 خميرة الحلوى
200 غ سكر رطب
رشة ملح باه ما يجيش صامط
زاست ليمون
ماء زهر
الحشو : غرس زبدة قرفة و الطيب " القرنفل " ملعقة صغيرة خميرة بايكن باودر "
تبسسي العجينة بالزيت ، تضيفي السكر و زاست الليمون و تخلطي مليح و تبلي غير بالشوية حتان تتلم لعجينة
تعجنيها شوية و تخليها ترتاح
تعملي منها الاشكال لي تحبي و في وسطهم الغرس
او تيتعملي الطوابع لي عندهم ذراع و من بعد تنقشيهم بالنقاش
الوصفة الثانية :
3 كيلات فرينة
كيلة ماش معمرة سمن طري ماشي مذوب و تعمري الباقي زيت
1 فاني
1 خميرة
3 ملاعق سكر رطب
زاست ليمون
ملح
جلجلانية
ماء ورد
غرس طري و مداوي للحشو
تخلطي كامل مقادير العجينة الناشفة و تبسسي بالدسم مليح
ثم تبلي بماء زهر للحصول على عجينة طرية قليلا و متماسكة
تترك لترتاح ساعة ، ثم تشكل حسب الرغبة
تطهى ذهبية و لما تخرج من الفرن يغربل فوقها القليل من السكر الرطب