[نوال عيسى]

ارز جربي انا هي رزيقة

حنا البارح عشانا كان ارز جربي نسبة الى منطقة جربة التونسية هو عبارة عن ارز مفور مع زرودية و حبة لفت و كمشة صغيرة جلبانة و بصلة كبيرة لازم بصلة كبيرة او بصلتين متوسطين و اذا كانت كمية الارز كثيرة نكثرو من كمية البصل لان الرز يطيب في هذاك الماء تع البصل سينو يجي ناشف زيدي عليه طرف صغير كبدة مقطعة صغير هما اهل جربة يستعملو كبدة الخروف بصح تقدري تستعملي كبدة العجل او حتى لحم مفروم او دجاج مقطع صغير ام لحم مقطع صغير و هما ثاني يزيدو الحمص بصح انا مزدتش و ثان كمية من اوراق السلق مقطعة صغيرة لا تستعملي السيقان . و نزيد على هذ كامل نصف كاس زيت زيتون و ارز مغسول و راس الحانوت و ملح و فلفل اكحل وشوية قرفة و شوية كمون و فلفل عكري و طماطم مصبرة و كركم و شوية حشيش قصبر و معدنوس مقطعين نخلط الكل مع بعض و نضعه في كسكاس على قدر فيه كمية مليحة من الماء و نغلق عليه بورق الومنيوم و طلي عليه مرة على مرة باه تخلطيه حتى يطيب





و هذي النتيجة



هما اهل جربة يرافقو هذ الروز بفلفلة حارة مقلية بصح انا شويتها