اولا تحتاجي تربة صالحة لزراعة دي پو فارغين نباتات او قطع منها انا نقللقكم وش استعملت :ماكانش عندي التربة تاع زراعة مي كانو عندي نباتات ومانجحوليش يمالا استغليت تراب تاعهم وفرغهتم في اناء كبير هاهي التربة للي استغليتها للاستعمال وهنا كي فرغتها .........نوصيكم حاجة اذا حبتو ديرو كيما انا اهربو في بلاصة وحدكم انا طلعت للسطح وخدمت باسكو الفوضى اللى درنها مايعلم بيها قا ربي كون شافتني ماما بهاذاك التراب لي ملا الدنيا كون راه حبس قلبها......اوكي نرجعو للطريقة ننضفو التربة من الاحجار و الخز ونحطوها بجنب ومبعد رحت قصيت قطع من نباتات لي عندي وجبت نبتة واجدة وحبيت نبدللها الاصيص اول حاجة نزعتلها الاصيص القديم لي كانت فيه ومبعد بديت ننزعلها في التربة بلا ما نقيس الجذور وهاذ العملية تحتاج دقة كبير وما نحكيلكش على الحشرات كل خطرة تجيك وحدة تتبختر معاناة كحلة مي اذا كان البوكي الجديد نفس الحجم مع القديم تحطي نبتة بتربها مباشرة بدون اي معاناة بعدها رايحا تحطيها في الپو وغطيها بالتربة وهنا كي كملت انا مانيش خبيرة في هذا المجال درت هذي الطريقة اكثر من مرة كاين وين نجحتلي وكاين لي مانجحتش نتمنى من الخبراء يقولولي اذا راني في صواب او لا في امان الله