مساء النور والياسمين ....انشاء الله تكون ملاح وبخير اليوم راح نحط وصفة الكروكي المالح ولارولي مالح كل واحد كيفها يسميه وصراحة جا هايل تفضلو المقادير ...... انا ندير العجينة لي معتمدتها في البيتزا ولي هي كاس حليب دافيء زايد نص مغرفة ك خميرة الخبز ونزيد مغرفة سكر ونخلط ونضيف نص كاس زيت ونص مغرفة ص ملح بعدها نلم بالفرينة حتان تكون العجينة طرية ....... ثم نغطيها ونخليها مدة ربع ساعة بعدها نحلها بالحلال ونوزع الحشو على كامل الوجه نحاول منقيسش الاطراف .......الحشو حسب الرغبة والموجود في البيت كيما انا درت لصوص انتاع الطماطم وزعت على كامل الوجه وضفت البطاطا مقطع قطع صغيرة ومقلية وزدت صدر دجاج مفتت وفرماج ودبشة بعدها تروليه ونحاولو نغلقو الجوانب جيدا باه مايتفتحش نحطو في بلا مفرش ورق الطهي وندهن الوجه بصفار البيض ونذرر الجلجلان ونخليه يتخمر بعد ها الى الفور مباشرة والتزيين حسب الرغبة تفضلو الصور في انتظارالتقييم انشاء الله تجربوه ويعجبكم حبيباتي