منتديات الجلفة لكل الجزائريين و العرب - عرض مشاركة واحدة - لب مشكلة القانون الخاص.....تتمثل في عدم تجانس أساتذة طوري المتوسط والابتدائي...لكن دائما يوجد حل
عرض مشاركة واحدة
قديم 2012-06-24, 22:30   رقم المشاركة : 10
معلومات العضو
طاب جناني
عضو مشارك
 
إحصائية العضو










افتراضي

من يقول ويبرر الاخفاق نتاع النقابة بمشكل المؤهل العلمي راهو غالط وما يعرفش كيف يطالب بالحقوق . الثانوي أدمجوا جميعا في الرتب القاعدية منذ 2008 رغم ان القانون واضح باك + 5 ولكن الكنابست حققت مكسب الادماج في الرتبة القاعدية لجميع أساتذتها برغم اختلاف مؤهلاتهم ونزعت لهم حكاية التكوين . نجوا لنقابة الاينباف لي الجماعة راهم زعفانين كي ننتقدو النتائج نتاعها ونقول كان من المفروض ان تطالب بالدماج في الرتبة القاعدية لجميع موظفيها اما بالنسة للمجازين لي كانو اكبر تصنيفا من الاخرين فالمفروض ان يدمجوا كاستاذ ريسي في الابتدائي والمتوسط للحفاظ على الفارق كذلك وترفض التكوين وهذا لانه حق مكتسب ولا يجوز تطبيق القانون باثر رجعي والمفروض هذا كان يكون في القانون الاول نتاع 2008 والجميع كان سيكون راض لانه كل واحد جابتلوا حقو. هذه الصدمة الأولى

بعد حكاية التعديل والمطالبة به كنا نستناو باش هذا الخلل يعالج واناس لي كنا نظنوا بلي راهم يدافعوا علينا عارفين بالمشكل وبأننا ظلمنا في القانون الأول ورايح نجيبوا حقنا في التعديل لكن اتضح ان من يضيع حقك مرة يضيعو عشرات المرات لأن فاقد الشيء لا يعطيه ولي ما يقدرش يدافع مرة ما يقدرش يدافع طول حياتو .الكنابست جابيت امتيازات جديدة نتاع الادماج وزادت رقات الجماعة نتاوعها أما نحن قالك العيب فيكم وماكنتش نعرف وخدعتني الوزارة والاتفاقية ليست للادماج والعدد كبير وراني ندافع على أمة ولي ماهو عاجبوا الحال يجي يبكي لعندي في الدزاير . الصدمة الثانية

أنا حبيت نطرح سؤال لجماعة لي راهي تشكر وتمدح وتزكي وتغني

هل هذو الناس في المستوى ونطمعو باش يجيبونا حقوقنا في الملفات الجاية ولا نعاودو نرجو ديما لهذه الهدرة نتاع التبرير القبيح ....؟؟؟؟






رد مع اقتباس
مساحة إعلانية