المطلوع oum radja المطلوع انا ندير ندير عجينة عادية يعني سميد و فرينة مغرف سكر ومغرف زيت ومغرف خمارة تاع خبز انا مانكثرش فيه ليدام ومانديرش الخمارة تاع القاطو نخلط العجين تاعي و نخليه شوية قاسح من بعد ندير الملح في القصعة و نشمخه بالما و نبدا ندلك و كل مرة نشمخ يديا برك يعني مازيدش الما للعجين وندلك ملييييييييييح حتى يطرا العجين تاعي و يولي يطرطق ويولي ناااااااعم كيما هاك انا درت السانوج و نتوما كيما تبغو إضغط هنا لرؤية الصورة بحجمها الطبيعي. نغطيه و نخليه في مكان دافئ يخمر ماراحش يطول ممكن نصف ساعة نفرش الفوطة فوق الطابلة ونحط فيها كويرات العجين بلا ما ندير فيهم السميد و لا الفرينة نغطيهم و نخليهم يريحو شوية ومن بعد نقرصهم انا بصراحة نحلهم بالحلال تاع القاطو باش يجوني مسويين وماتقعدش فيهم المارة تاع الاصابع إضغط هنا لرؤية الصورة بحجمها الطبيعي. نغطي المطلوع تاعي وندير الطاجين يسخن على نار متوسطة ماشي قاوية باش تتحصلو على لون شباب وها هو الطاجين تاعي إضغط هنا لرؤية الصورة بحجمها الطبيعي. انا نبغيه خير من تاع الطين من بعد 10 دقايق ملي قرصنا الخبز نبدا نطيب نرمي القرصة في الطاجين كيما كانت فوق الطابلة يعني مانقلبهاش ونخليه كي يبدا يدير الفقاعة الاولى نقلبها وكي تبدا تتنحى من الطاجين نبدا ندور فيها باش تتنفخ وتطيب كيف كيف يعني بنفس للون كي تتنفخ نقلبها ونقعد ندور فيها حتى يولي لونها ذهبي ننحيها ونحوشيها عادي هذ ماكان إضغط هنا لرؤية الصورة بحجمها الطبيعي. وهاهو شكله من داخل إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي.