غراتان نتاع الشوفلور Omrihem راني سارقة الافكار من ومن افكار كلها من المنتدي غليت الشوفلور مع شوي خل لزوم الريحة وملح حتان طاب مليح فتتو في مول باش يروح للفرن وطيبت من جهة اخري صلصة بيضاء ملح فلفل اسود شوي كسبر تعرفي حنا سطايفية نحبو طياب بالكسبر وبصلة وسنينة ثوم باش يجيش طعمتو قاوية وطرف صدر دجاج قلي كلشي وما تكثريش الملحي من بعد مرقي جهد ما يطيب الجاج نحي حيه وفتيه مع الشوفلور خلطيه مع بعض وحطي عليه لاصوص وحطيه في الفور يشرب لاصوص وجدي حبات بيض علي حساب كمية اشوفلور الي عندك وحطي معاه فرماج انا درت شوي قريار وشوي فرماج كيري وخفقي البيض مع الفرماج بفرشيطة وصبيه من فوق وحمريه شوي من فوق ماش بزاف باش يقعد طري وبالصحة والهنا . إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي.