[ام سراج وملاك]

المشاركة الأصلية كتبت بواسطة حياة نور الدين

السلام عليكن وعيد مبااااارك لكل واحدة متفكرتني او مرت من هنا

نشكرك حبيبتي ام سراج على شجاعتك وافتتاح رحب حديد من الكوزينة تسلمي حبيبتي مشاركتي قلت لظروف المنتدى ومراكز التحميل ولي زاد وغطي مهدي خسرلي كلافيي مكروبو رتابل راني غير بكلافيي ويندوز لي يتعب

امنية وديما وكرونو منوراااات

ام عبد الله مشاركتك معنا زادت النص في الكوزينة

طالبة رياضيات رزيقة راه بخير بصح اختفت من قلة االتفاعل برك

لي نسيتها تسمحلييييي

واخيرا حياة طلت علينا الحمد الله انك بخير حبيبتي صح عندك الحق واش قلتي المنتدى ولا في ركود نتمنى انويولي احسن من لي كان مواقع تحميل نخدم بالمركز هذا https://up./
مليح مساعدني بزاف في االتحميل نتمنى انك تولي من جديد كيما عودتينا بنشاطك بوسيلي مهدي ربي يحفظولك

المشاركة الأصلية كتبت بواسطة oumelabedmh

السلام عليكم. طل القمر حيوتة. فعلا نقص التفاعل هو الي خلا* البنات يهجروا الكوزينة. كل يوم نطل نتمنى ترجع الايام الجميلة الي مانلحقوش فيها عالوصفات والتطبيقات الي اغلبنا اعتمدنها في بيوتنا. نداء محبة للجميع ارجعن لحضن المنتدى الدافئ* خلي الايام الحلوة ترجع. ملاحظة جانبية اختي حياه للان مازالت عندي مشكلة انو اغلب الصور لا تظهر مع اني راسلت الإدارة والنت عندي سرعتها مليحة ونشوف كل الصور في أماكن تانية. مع حبي لكن*

شكرااا حبيبتي
QUOTE=الفتاة الهادئة;3997893738]شكرا لكي اختي وانا كذالك اعجبتني هذه الاطباق وحتى الكوزينة دارت الحماس بيناتكم ولكن لاغالب مم انا عندي مشكل في الكاميرا نقدر نحط الوصفة ولكن بدون صور مي بربي نحاول نصلح المشكل والنشيطات للكوزينة وراكن ؟؟؟ هاذي يامات الباك وفرحة السيزيام ان شاء الله ربي يوفقهم ويفرح وليداتكم ان شاء الله[/QUOTE]

شكرااااا اختي مرحبا بيك نتمنى انو يلبو نداء ويوليو ان شاء الله حطي وصفاتك لي مالفة ديريهم ماذا بينا نتعلمو من عند بعضانا لاشة بلا صور بلاكش نلقاو وصفة مليحة نطبقوها ونصوروهالك شاركي لاشة بلا صور

QUOTE=crono;3997895351]وعليكم السلام ورحمة الله تعالى وبركاته
مبروك وألف مبروك بمناسبة ختان إبنكما مع تمنّياتنا له بحياة ملئها السّعادة بحضنكما ومستقبلا مشرقا بنوركما
متمنيا لإبنك الشفاء العاجل جعلكما الله نورا ينير مستقبله وجعل منه ثمرة صالحة لأهله ولأسرته
وحفظه لكما من كل سوء، وجعل أيامه كلها أفراح وبركات [/QUOTE]
اهلا بالغالية كرونو منورة حبيبتي شكراااا لدعاء ليعقوب امين يارب ربي يحفظلك كل عزيز وغالي على قلبك

المشاركة الأصلية كتبت بواسطة RIMA.87

السلام عليكم ورحمة الله وبركاته
عيدكم مبارك رغم التاخير ...خخخخ
عودة ميمووونة لاحلى اخوات في الله في اجمل لمة اخوية ،
جزاك الله خيرا اختنا الغالية ام سراج و ملاك جعلها الله في ميزان حسناتك و نشكرك على السنة الحسنة و الشكر موصوول لكل الاخوات المشاركات
امنية غفران مشكووورة على الوصفات و الاخت ام عبد الله حللت سهلا في هذا الصرح الجميل و غاليتنا و مشرفتنا حياة ربي يحفظو مهدي و ربي يخلف عليك في الكلافيي هههه
و الاخت ام العبد و كل الاخت كرووونو و لي ما ذ كرتهاش تسمحلي
و نحن نطالب بحضوور الاخت زييكا افتقدناها و الحمد لله لي راهي بخير و كل الاخوات لي تعودنا على حضورهم معانا في الكووزينة
و نهنئ كل الفائزين بشهادة التعليم الابتدائي
نحطلكم حلويات العيدكاين لي صورتها في البلاطو و اخرى صورت خبة واحدة ههههه
المهم اترككم مع الصور
درت بقلاوة و كي العادة عجينة الحواشي نضيفله ماء زهر و نتركها ترتاح و نديرها قريوش يجيوني حوالي 20 حبة و لكن ما صورتوش
و درت قاطو السوفية


و قاطو بالجلجلان و نيسلي كرامال صنع منزلي
و الغريبية التقلييدية


و هذا بنيون بطريقة عصرية كنت درتو في العيد العام الماضي و عجب كامل لي تذوقو



و هادو القميرات او التشاراك العريان و قاطو الوسادة و درت كعك النقاش لكن ما صورتوش


و حلوة الطابع درت وصفة الشاف جكوون جات رووووعة ما شاء الله




و الحمد لله على نعمه

ماشاء الله ربي يبارك يعطيك الصحة خدمتك متقونة وجميلة بصحتكم واشمن وصفة استعملتيها لنسلي كراميل حطيلنا طريقتك بلاكش تكون احسن من طريقتي

المشاركة الأصلية كتبت بواسطة ملاك ملاكي

يسعد مساكم حبيباتي ان شاء الله الكل بخير وبصحة جيدة وهانييين يارب..... ليكم وحشة ادي ادي الدنيا كل واحجة باسمها*
مشكوووورة حبيبتي ام سراج وملاك انك تشجعتي وفتحتي كوزينة جديدة.... مع انه انا شخصيا ناوليتش ندخل ونشارك كي زمان لقلت التفاعل وغياب الاحباب وركائز الكوزينة لي كانت متنفسي وبيتي التاني والله.... وزيادة على هذا مرتكز التحميل لي تمرض.... غلى كل والله كي دخلت ولقيت كوزينة جديدة والله فرحت وان شاء الله ترجع وتىجعوا كي زمان.... وان شاء الله نحاول نشارك*
في امان الله وحفظه حبيباتي 😘😘😘

• اهلا حبيبتي ملاك منورة ان شاء الله نشوفو مشاركتك معانا بالنسبة مراكز التحميل هذا المركز مليح مساعدني في تحميل

https://up./