اقتباس:
المشاركة الأصلية كتبت بواسطة fayssal_lama
سلام عليكم
تم إستدعائي من طرف شركة نفطال لإجراء test
فأرجوكم ماهو نوع test وماهي الأسئلة المطروحة
علما اني متحصل على شهادة ماستر في electrotechnique
و المنصب له علاقة ب الكهرباء
ولكم مني جزيل الشكر والتقدير
وبارك الله فيكم
وشكرا للجميع والسلام عليكم
|
السلام عليكم أخي الكريم وربي يوفقك في هاذا التاست
انا نظن تاست انتاع شاف سكسيو مانتونونس او كادر تكنيك
ماتخاف ماوالو راهو تاست عادي اورال برك . يعيطوا لستة ولا سبعة من الناس واكيد انت راك واحد منهم الى غاية 15 على حساب لانام وش بعثتلهم من مترشحين ومن بعدها يدخلوكم بالواحد لواحد الكوميسيون (ممثل عن العمال يعني النقابة واحد شاف سارفيس وممكن 2 من ديبارتمو تكنيك)يسقسيكم على الآلات الكهربائية (Pompes carburants) على الاعطال الكهربائية و على انواع الصيانة اي هناك 3 انواع كيما تعرف (بريفونتيف و كوريكتيف وكوراتيف) وزيد يسقسيوك على ليزانستالاسيو تاع الكهرباء و يسقسيويك على قروب اليكتروجان ... يا خويا راهي عموميات برك ماكاين والو واهدر حتى بالعربية مي ساعة ساعة طيشلهم كلمات بالفرنسية بويسك راك تعرف جماعة الكوميسيو يحبوا يلعبوها
وماذا بيك تحاول تتحكم في اعصابك قد ماتقدر بويسك ممكن طيح مع واحد يحب يقلقك ويشوف ردة الفعل انتاعك ... ةوفي الخير ربي يوفقك ان شاء الله (أخوك في الله موظف بنفطال في منصب مكلف بالدراسات)
وكشما تزيد تسقسي رانا هنا ان شاء الله
سلام