[(( هبة الرحمن ))]

المشاركة الأصلية كتبت بواسطة سدرةالمنتهى

السلام عليكم

انا درتو في صغري كان شعري طويل يعني اتمتعت بيه و كان فيه ابداعات

كانو البنات يديروه للاخييييييييييير و يحزموه
وكاين اللي يقرظنو النصف و يخلو نصف الشعر بايين اممممم يزيد جمال في البنت

انا عانيت مع شعري كان قاوي وطويل كات امي تمشطلي وانا نبكي وتزيرولي وعععععععع نحس عصا ورا ظهري ينوضلي الحب
كنت نتهرب من مشيط ماما كنت نمشطو وحدي .....نجيب شعري بجيهة و نبدا نقرضن كي المرا ههههههههههههههه كي نكمل و نجي نردو لورا

يخرج عوج و يقعد عندي هههههههههههههههه نولي نبكي و نعاود نفتحو و نرجع غييييييير لمشيط ماما

بقات فينا هذه العادة حتى رحنا للجامعة 1 جامعي كنا نقرضنو لبعضانا ههههههههه اياااااااااااااام روعة
ومنبعد تحلبنا وشرينا السيشوار و اليسوووور


بصح من نهار درتلو السيشوار ولا يتساقط و خفااااااااااف سبحان مغير الاحوال بكري كيفاش كان و ظرك كيفاش ولا بيه السيشوار


اياام لاتعوض مرات ماما تقلي توحشتك نجيبك عند حجري و نمشطلك شعرك كي بكري هه

نروووووووح نقفز و نعطيلها تمشطلي اممممممم احساس روعة ربي يحفظهالي يارب

وعليكم السلام ورحمة الله وبركاته

أضحك الله سنك

تأمني والله غير تخيّلت شعرك من القدام وانت تقردني وكي رديتيه خرج عوج ،،،، صاروخ ،،،،،آخر صيحة ،،، هذا يبين بلي كنت ساجية

ربّي يحفظلك الوالدة .