[سائلة عفو ربها]

المشاركة الأصلية كتبت بواسطة تاج النور@

ماشاء الله عليك خدمة وعليها لكلام ربي يحفظك ويعطيك الصحة ������❤️
اذاكان بالإمكان يعني كتما لا امر تعطينا طريقة خياطته ولو بالرسم التقربي
مزيد من الإبداع

بارك الله فيك ...أما عن عن الطريقة فكما قلت سهلة....
فالبداية أخذت الأرقنزا قصيتها مستطيلات عرضها بين سبعة وثمانية اصابع وفي فراشات اخرين اخدمتهافقط 6اصابع ولكن مليتهم فالوسط لكن التصوير صورت فقط هذا لانوا كان اول واحد اخدمتوا ومعاه كاش ريدوا بنفس القماش باذن الله نحطوا تشوفوه ....المهم ووصلتها ببعض وسرفلت الحواشي ....
ثم الساتان رويال قصيت مستطيل بقياس السرير تماما ورسمت عليها المعينات وخيطت عليهم الأورقنزا الواجدة مشرشفة يعني نثني ونخيط ...
وقصيت مستطيلات أخرى من القماش بقياس ارتفاع السرير ودرتو داير كامل وسرفلت الحاشيتين وبعدين خيطتوا في حاشية المستطيل الأول الكبير اللي فيه معينات الأورقنزا وطبعا انطلع شوي الحاشية ونشرشف ونخيط باش تجي الخدمة باهية

وخدمت وردات كيما يبان ولصقتهم وطبعا الاورقنزا على ثنين وبالابرة نخيط من الاسفل ونجبد الخيط تجيني مشرشفة وندورها ونكمل انلصقها وفالاخير ليبارل انت وذوقك او اي تزيين بغتيه ....ربي يوفقك