السلام عليكم و رحمه الله نعالي و بركاته
و بعد الصلاه و السلام عل سيدنا محمد و بعد صح رمضانكم و عيدكم ان شاء الله
ا
ليوم نقدملكم سوفلي محشي لحم مرحي مداوية
انا منحبش البوراك بزاف و الا كليتوا لازمني نشيحوا مللليح مليح من الزيت 
المشكل نتاعي اكل في الزيت 
امالا حليت عمي قوقل و منتدانا و قريت كل شئ علي السوفلي اخذت من كل بستان وردة
و نشكر كامل الي جيت منهم معلومات ليهم فضل كبير
و قررت ندير هادي الوصفة و نحطهالكم للافادة لانها جاتني خفيفة و دوب في الفم اممممممممممم
العجينة الكمية هادي دير 12 وحدو بصح انا درتهملهم كبار كبار
1,5 كأس حليب دافئ
نص كاس زيت ناقص " ز فيه مغرف زيت زيتون "
ملح و سكر
مغرف خميرة الخبز
1 خميرة كيميائية
فرينة " نقريبا بين 3 و 4 كيسان انتي تقدري تزيدي ولا تنقصي عينك هي ميزانك " و الفرينة لازم نكون منخوله
التحضير
نصع الحليب الدافئ + نص كاس زيت +الملح السكر + مغرف و نص خميرة الخبز +وحدة خميرة كيميائيه
و نخلط جيدا حتي يتجانس الخليط 2 الي 4 دقائق متل الصورة
و بعدها نبدأ باضافة الفرينة و الخلط بالفرشات كأس وانا لما نحطو ننخلوا و نخلط تم نزيد كاس حتي نكمل 4,5
يمكن هنا بعد 2 كيسان فرينة و هذ هو الكاس الي نكيل بيه
تولي عجينة طرية و خفيفة كي نمسها و يمكن تلصق شوية في اليد شوية برك لا عليكي كي تخمر تولي مليحة " كيما الشريك "
نخطيها و نتركها ترتاح مدة ساعة الي 2
هنا بعد نصف ساعة
و نتركها و نوجدوا الحشو نتاعنا
حبة بصل مع شوية زيت و زيت زيتون نقليها مليح و محط اللحم المفروم الملح قلقل اسود و كي يطيب نزيدلهم حبة طماطم مرحية او 2 حسب الكمية
و كي يطيبوا نزيدلهم الدبشة و الفطر و مخليهم
الان العجينة كيما شفناها حجمها دوبلا نفرغ الهواء منها و اي تولي صغير كيما الاول نقسمها ل 2 عجينات و نطرح الاولي في مكان مرشوش بالقرينة جيدا و حتي الحلال رشيه بالفرينة لانوا يلسقلك
و ديريها بسمك 5مم الي 4 ملم و قطعي دوائر " ب لي سوكوب نتاع غرفية الحليب الكبيرة
الي تحبهم صغار لها الاختيار
و ندهن جوانب الدائرة ب بياض البيض و نحط الحشو و فرماج
ونقفل مليح باصابعنا او بالاحري برؤوس الاصابع
و قبل ماندخلها طيب نديرلها صفار اليبض +مغرق كبير قهوة باه تحمارلك من فوق مليح
و هاهي واجدة
كاينة صور ناقصة من بعد نحطها خويا دالي تيليفون
لا تنسونا من دعوة خير في هاته الايام المباركة العشر الاواخر و شكرا