صراحة منكذبش عليك انا سمحت في الجامعة رغم انو ديت قرار خطير جدا مي كنت مستعدة باش نتحمل العواقب تاوعو
المهم تنظيم الوقت راه مبقاش بزاف لا للباك ولا لي كونطرول
نتي سيي ماكسيموم تمدي للباك اكثر ...... ميهمش تماجوري في لافاك كون تبلعي غي 10.00 راكي مليحة بويسك عند حلم تحوسي تحقيه كافحي لحلمك
اما العلوم صراحة مام انا كنت نعاني منها بالدليل هاو ليك
https://www.djelfa.info/vb/showthread.php?t=2255361
https://www.djelfa.info/vb/showthread.php?t=2256008
كنت فاقدة منها منها الامل نهائيا كنت نحوس نبلع غي ب 10 الحمد لله ديت فيها 15 :d
المهم كنت نتبع قناة الاستاذ شاوش وscience bac كنت نحل معاه تمارين بوالريش تاه 2018 و 2019 (2020 محليتهمش اطلاقا) وحلي المواضيع تاع الفروض والاختبارات كان يحطهم عقبة بن نافع في الفيسبوك تاعو ربي يحفظو
حلي هذوك المواضيع وقيمي روحك وميطيحلكش المورال ابقاي تكافحي حتى للدقيقة التالية
اكيد ننبهك على شيء مهم هو انك لازمك تكوني عارفة المنهجية قبل ما تروحي تحلي يعني كيفاش تحلي وتفسري ...الخ + الدرس مهم جدا جدا
انا المنهجية شفتها من عند استاذ شاوش
وربي يوفقك حبيبتي تفائلي غي لي فيها خير ربي يجيبها نتي برك قدمي لي عليك
