السلام عليكم ورحمة الله تعالى وبركاته اخواتي واخواتي حبيت نوريلكم طريقتي في وضع الصور في المنتدى ممكن انها تفيد بعض من الاعضاء الجدد في المنتدى وهذا نظرا لتلبية طلب بعض من الاخوات نخليكم مع الصور والشرح نتمنى انكم تفهموني واي سؤال انا في الخدمة متنساونيش بدعوة خير فقط اول حاجة تكونو حاطين الصورة في سطح المكتب او في ملف انا رايحة نشرحلكم طريقة العمل بالكمبيوتر كي تفهموها اكيد رايحة تجيكم ساهلة في الهاتف والايباد تقريبا نفس الطريقة هنا راني حاطة الصورة في سطح المكتب اول حاجة نكونو فاتحين مركز التحميل لي رايحين نحملو بيه ونفتحو المنتدى الصفحة لي رايحين نحطو فيها الصورة مراكز التحميل بزاف مركز منتدى الجلفة انفو+ مركز الاسوار+ مركز الخليج مراكز بزاف...................... خيرو المركز لي تحبوه كي نفتحو مركز التحميل رايحين نلقاو choisissez un fichier نلضو عليها رايحين نروحو مباشرة لسطح المكتب نهزو الصورة نلضو على ouvrier رايح يخرجلنا رابط قدام choisissez un fichie نلضو على رفع الملفات تتحملنا الصورة هنا حليت المنتدى ومركز التحميل هنا يتفتح مركز التحميل نلضو على choisissez un fichier تخرجلنا الصورة لي رايحين نهزوها كي نهزوها تجينا في مربع نهزو الصورة نهزو الصورة ونلضو ouvrier يجينا رابط قدام choisissez un fichier معناه الصورة تهزت نلضو على رفع الملفات هنا تحملتلنا الصورة نلضو على رابط الصورة المباشرة وبواسطة الزر الايمن للفارة نلضو على copier مبعد نلضو على المربع الاصفر راح يخرجلنا رابط للفوق نفاصيو الكتبة لي بالفرنسية htt// بالزر الايمن للفارة نلضو على collier راح يخرجلنا الرابط هنا داخل الايطارنلضو على ok كي نلضو على ok راح ينتقلنا رابط مضلل بالون الازرق في صفحة الرد نكتبو واش نحبو ونديرو انتري ينتقلنا السهم لتحت ثم يتحطلنا الرابط المضلل في مكان بعيد في صفحة الرد نلضو بسهم الفارة يتنحالنا التضليل لي بالون الازرق هنا نكونو انتهينا من تحميل الصورة نلضو على اصف الرد السريع نكونو انتهينا والصورة تخرجلنا