السلام عليكم ورحمة الله تعالى وبركاته
ان شاء الله تكونو بالف خير
اليوم جبتلكم طريقة تفصال وخياطة وسادة دائرية
هاد الوسادة كنت شاركت بيها في دورة ملكة الفنون لي تنشطها المشرفة الغالية فيفي والدرس كان تحت اشراف الحبوبة كيكا ولي يتمتل في الطرز بشريط الستان
وهدا رابط الدرس
https://www.djelfa.info/vb/showthread.php?t=1742049
اما الوسادة 2 صفراء اللون كنت درتها بنابرون من انجازي
وفي كلا الوساداتان نفس التفصال
فالاول نقطع قرصين من الساتان وشريط من الساتان يكون طويل باه نقدر نكمشو باه نخيطو على القرصين
وطبعا الطرز نقوم بيه قبل خياطة الوسادة ومثل ما راكم تشوفوا فالصور
بعد ما نفصل القرصين والشريط نديرلهم السورفيلاج باه ما يتصمصروش ثم نقوم بخياطة الشريط بخطين باه نكمشو ونخيطو على القرص المطروز
من بعد نخيط القرص ال2 في الجهة 2 من الشريط لاكن نخلي فتحا باه نركب الفرميتور وان الشاء الله الشرح في الصور يكون مفهوم
واي استفسار انا بالخدمة
ان شاء الله يكون الشرح مفهوم وتعجبكم الوسادة
في امان الله