[مشكلتي]

السلام عليكم
عندما يمر عليا ناس تحمل اكياس كل يوم نشفق عليهم بزاف
كي نسمع اخبار النساء وهذي كانت تمشي مع فلان خلاص نشك في كل النسا
وكي نشوف واحد راه مقلق زعفان مشومر والناس تشوف فيه بنص عين وهو مسكين هلك روحو بالزواج وجاب كتيبة تاع ولاد
نفشل نقول كرامتي خير وما نضيعش بنت الناس وولادي يفسدو ولا يموتوا بالجوع .. وأنا نشوف
كي نسمع الحرب بين الزوجين كل صباح وعشية .. نقول واش داني لهاذ المعيشة تاع تكسار الراس

بلا ما ننسى يوميا جيب حليب جيب سكر جيب اللفت والزرودية
الطبيب الدوا

حاس بلي راح ندخل حرب عالمية جسدية ونفسية ومالية
نقول في بالي هذا ماشي زواج هذا عذاب
واحد صاحبي عاود الزواج قلت لو : ياخي قلت لي النسا ماش ملاح

قالي الزواج شر لا بد منه
أنا نستغفر الله من كلامو الزواج نصف الدين ..... ولكن في هاد الوقت والزمان رجع فوبيا