السلام عليكن جبتلكم اليوم طبق من بين الاطباق المشهورة والتقليدية في ولايتي البليدة وهو طبق الرشتة تفضلوا المقادير المرق قطع دجاج اولحم حبة بصل زيت وزبدة ملح فلفل اسود قرفة لفت او قرعة لعجينة الرشتة 750 غ فرينة 250 غ سميد رطب ملح ماء مايزينة طريقة التحضير العجينة نخلط الفرينة والسميد والملح ونلم بالماء لكن منكثروووش نخلوها عجينة ناشفة باش يسهل علينا تنشف ونحلوها في وقت اسرع نقسم العجينة كرات نرمدها في المايزينة ونبدا نفتح الكرات في الة الرشتة في الرقم 1 و3 و6 نفرش درا نقي ونحط شرائط العجينة تنشف بعد مدة نقلبوا الشرائط باش تنشف من جهة الاخرى وكي نحسوا العجينة نشفت نبداو نحلها من جهة الرشتة ونشمخوا كل مرة يدنا بالزيت ونحطوها في الكسكاس باش تفور بعد ما نحلوا كمنية من الشرائط نفوروها ونحلوها بفرشيطة باش متتقطعش المرق في قدر نحطوا الزيبت والزبدة واطراف اللحم او الدجاج والبصل رابي ونقلي بعد ما يتغير لون اللحم او الدجاج نضيف الملح والفلفل الاسود والقرفة ومرق بكاس ماء ونخلي النكهات يخرجوا بعد ما تغلي نمرقوا القدر ونخلوا الدجاج يطيب بعد ما يطيب نصف طياب نضيف اللفت المنظف المقطع حبة على اثنان ادا كان كبير ونخلوه حبات ادا كان صغير والحمص نرش الرشتة تاعنا بالماء وشوية زيت ونحطها تفور فوق المرق للنكهة كي تفور ننزعها وندهنا وتقدم