[سطايفية بكل فخر]

السلام عليكم

المشاركة الأصلية كتبت بواسطة saladin17

الحمد لله ,,, راني بخير و لله الحمد ...
اخي صلاح الحمد لله انك حي ترزق وبخير
جيد أنك مازلتي تتذكريننا ههه
لا الحمد لله مزال مقاسنيش الزهايمر صحيح انو كبرنا وعجزنا مي المخ بقات فيه قطع خلايا تخدم هههه باش مستنساش الناس الطيبة لمثلكم
على كل مؤخرا تبدين لي شاحبة جدا ... وين راحت كل الحرارة تلك ؟
هههه قاستنا لاقريب وجاتنا فيافر باردة امزح فقط

وين راح الأمل و الخير و البركة ؟
والله الامل الخير والبركة كاينين والحمد لله وراهم كاينين عدنا كامل
لكن لا اخفيك اخي صلاح المنتدى بدا يسماط شوية وراك تشوف بعينيك الاعضاء قلوا ولي دخل يسقسي ميزيدش يرجع ميكملش حتى استفساروا
او تلقاه يطلب بطريقة وكانوا يتامر عليك بيناتنا منحبش هذي العقلية الطلب فضل لا امر
مبقاوش مهتمين بالعلم وامورهم كيما بكري
وزيد اصلا الان فترة دراسة والكل غايب النشاط تاع قسم الجامعة يكون في في اوت وجوان وغيرهم
مام انا الدراسة راهي حاكمتني واستنزفت كل طاقتي كي راني نجي ونطل مرة على مرة راهو انجاز عظيم
ومام راكم هنا مش شرط تواجدي انتم الخير والبركة ومنكم نشطنا وساعدنا وفدنا واستفدناا
أم أنه ..... خلاص .. كبرتي و قتلاتك الدنيا بالمسؤولية ؟
هههه بقالنا الما يحما هرمنا
كيما تقول انت طاب جناني
يخي قتلك مرة راني نطيب بالشوية والحمد لله راني طبت وانتهينا هههه وزيد
راهم جماعة 96 داخلين الجامعة كاش مقعدلنا حنا
رانا غير نساعفو ونعاونو فيهم مرة على مرة :d
اما الدنيا فلي تبعها مش رايح يدير حتى حاجة الانسان يتاقلم مع مسوولياتها ويدير واش يحب وخلاص

ربي يفتح عليك و يهنيك ...

امين اجمعين ربي يفتح علينا كامل
+
قلي رحت لطبيب العينين او لا اني منسيتش الموضوع
+
واش مداير مع العمل راك في الشرق او الغرب او تعمل في ولايتكم
حتى انت راك راكد ومتبانش بزاف
خير ان شاء الله
نورمالمون راك ديت راحة طويلة المدى وتهنيت من العسكر وظرك جا دورك ترومبلاسيني