[نبض قلبي]

هذا ما كانت تغنيه الأم 👵 الجزائرية لرضيعها 👶 كي ينام أيام زمان :
نني نني جاك النوم ، امك ڨمرة و بوك نجوم ...
و انت تمِيرَة في عرجون ، و حوِيتَة في بحرها تعوم ...
و هلِيَّل في أول يوم ، الناس كلها ترَاعيلو ...
سلم وليدي نحكيلو ، يكبر و يربح في جيلو ... يدير حوِيَّش و نمشيلو ...
نني نني جاك النوم امك ڨمرة و بوك نجوم
نني نني جاك النعاس ، امك ذهب و بوك نحاس ...
و انت اغزِيِّل بين الناس ، و خمسة في عين الخناس ...
قل اعوذ برب الناس ، وين ما كان وين ما كان ..
متغدي ف حوش السلطان ، و جايبلي الفيلي مليان ...
جوهر و عقيق و مرجان ، و راني نفرق ع الجيران
برافو عليه و برافو عليه ، و الموت الشينة إن شاء الله ما اتجيه ، و ما يجوني العزاية فيه .

و فعلا اللي بناوه و خططولو جدودنا و حكاو عليه الله يرحمهم لقاوه في ولادهم ربي يبارك ،كيما قال الاستاذ قانون العربي خرجو جيل غير "التراس و المرة"
تحياتي