[linatta]

السلام عليكم و رحمة الله تعالى و بركاته

هذا تطبيقي الخاص لوصفة الاخت remadna لموضوع : " كريم ديسير بالشكلاطة ساهل اقتصادي و بنين ياسر" و يعطيها الصحة على هذي الوصفة و انا جربتها و جات بنيييينة لكن زدتلها القاطو و زدتلها النشاء باش تخثرلي المهم نخليكم مع المقادير :

1 لتر حليب



3 ملاعق نشاء (لكن انا وضعت 4 م خاطر ما خثرتليش)



6 ملاعق سكر احرش و شوية فانيلا



2 ملاعق كاكاو



علبة شكلاطة (انا خيرت منى noir )



قاطو ماجور او اي قاطو اخر





طريقة التحضير :

نحطو الحليب على نار متوسطة ثم نضيف النشاء (نحط النشاء قبل ما يسخن الحليب باه ما يتكتلش)



ثم نضيف الكاكاو



ثم السكر الاحرش




و نواصل الخلط حتى تعقد نوعا ما




نطفىء النار و نضيف قطع الشكلاطة و نحركها حتى تذوب
(بيناتنا تحرقتلي الطاوة بدلتها عليها ما صورتش الخطوة هاذي خطراكش اني صغيرة و ما عنديش الخبرة بزاف في المطبخ

نسكب قليلا من الخليط في الكؤوس



و نضع حبة قاطو في كل كأس




و نضيف باقي الخليط فوق القاطو



و نتركه في الثلاجة حتى يجمد ثم تزين حسب الرغبة انا زينتها بالشكلاطة و الفراولة و الكرام شونتي


و هذا شكله النهائي







هذا اول تطبيق ليا نتمنى يعجبكم و تقيموني خاطر تعبت فالموضوع هذا