صحة فطوركم أخواتي ومشكورات على الزيارة
ياربي نتفكر ونجاوب كل وحدة فيكم :
الأخت اللي طلبت وصفة البطاطا الكريمية اوكي ضرك نحطها موضوع طلبتوها بزاف كل مرة نديرها تطلبوها مانظلش نعاود نحطها مرة وحدة
الاخوات اللي طلبو وصفة Pain au lait كيما يقولوها المصريين من عينيا ضرك نحطها موضوع
الأخت اللي طلبت وصفة مقروط الليمون : عزيزتي حطيتهالكم موضوع عندها بزاف ، تفضلي الرابط :
https://www.djelfa.info/vb/showthread.php?t=1967934
الأخت اللي طلبت وصفة المعمول راهي موجودة في مدونة ام رامي ، تفضلي المقادير :
نبدأ أولا بالغرس ننقيه مليح ونفوروه
وهوساخن نضيف شوية زيت ونخلطوه مليح بالشوكة حتى يصبح طري جدااا ثم نضيف قرفة + خميرة كيميائية +جلجلانية + كاوكاو
نبلل أيدينا بالماء ونشكل كويرات
العجين
2كاسين سميد ناعم مغربل +كاس فرينة + نصف كاس حليب غبرة + نصف كاس نشاء + صفار بيضتين + علبة مرغرين لابال 250 غ+ملعقتين كبيرتين سكر رطب أو ثلاث ملاعق حسب الرغبة + ملعقة صغيرة خميرة حلويات + ملعقة صغيرة فاني + ملعقة صغيرة حبة حلاوة وزريعة البسباس مرحيين ناعم فقط للنكهة +ملح +ربع كاس ماء أو أقل للعجن
نخبط المرغرين باليد جيداا ثم نضيف السكر والفاني والصفاران ونخلط باليد
ثم نضيف باقي المكونات ونخلط مليح
ثم نضيف الماء ونلم راح تحسي العجينة رخوة غطيها بكيس ودخليها الثلاجة ترتاح راح تشرب الماء وتتماسك حوالي نصف ساعة
نحضر قوالب المعمول
نبدأ التشكيل باستعمال كيس بلاستيكي حتى تسهل عملية إخراج الحبة من القالب
ننهي كامل الكمية خليه يرتاح بعد التشكيل ثم طيبيه
ثم نطهيها في فرن مسخن من الأسفل أولا ونحمروها من أعلى
نرشها وهي ساخنة بالسكر الرطب وبعد شوية تلاحظي أن السكر ذاب
نخلط السكر الرطب مع شوية قرفة ناعمة ونرش الرشة الثانية بواسطة صفاية
وهاهو المعمول جاهز
شهية طيبة