[ninafret]

مساء الخير حبيباتي هاذي طريقتي في عمل السلاطة المشوية نتمنى تعجبكم بما انو شهر رمضان على الابواب خاصة للمبتدئات

كمية من الفلفل الحلو والحار حسب الرغبة + حباة طماطم+راس ثوم+زيت وملح وخل

حطي حباة الفلفل فوق الطابونة واشويهم مع التقليب كيما الصورة



كل ماتعملي كمية حطيها مباشرة في كيس واغلقي عليها








كي تكملي كل الفلفل اعملي نقس الشيء مع حبات الطماطم والثوم لكن وحطيهم في كيس وحدهم



كي تبرد شوية حباة الفلفل انزعيلها القشرة الفوقانية اما بالسكين




ولا بيدك





اعملي نفس الشيء مع باقي الفلفل





وقطعيها مربعات متوسطة وماتنسايش تنزعي البذور منها








وزيدي انزعي قشرة الطماطم والثوم حبة طماطم ارحيها وحبة قطعيها مربعات






قشري الثوم وقطعيه شرائح



والسر في انك تتحصلي على احلى حميص انك ماتغسليش حبات الفلفل بعد ماتقشريها وهدا هو اللي يعمل فرق في الطعم لان مذاق الشواء كامل يروح كي تغسلي الحبات

اعملي صوص فينيقرات عادية متكونة من زيت او زيت زيتون وخل وملح وزيديها فوق الحميص ودوقي لازم يجي شوية حامض وزيدي كمية من الزيتون الاخضر المغلي





حطيه في علبة واحتفضي بيه في الثلاجة حتى هو مذاقو هايل مع العجائن ولا المقليات