السلام عليكم و رحمة الله تعالى و بركاته اهلا بكن اخواتي . كيف الحال ؟ اتمنى انكم على احسن احوالكم اليوم انا جبتلكم فكرة من نوع خاص ياخي كلنا نحوسو على لي مودال جدد و نكونو احنا اول من لبسناه . او نكونو من القلة لقلائل .( ياخي و لا اني غالطة ) ايا منتولش عليكم علبالي قاتلكم الفضول باه تعرفو واش جبتلكم كما قلت في العنوان انا عندي ر شمات خاصة بطرز الميكرو . راح نحطلكم بعض الموديلات منها في المرة القادمة ( اي بعد ما نعرف رايكم ) و الي عجبها كاش مودال و حابة نعطيها الرشمة بأبعادها الحقيقية و واجدة موجدة باه تتحط في الميكرو . تقولي و انا في المقابل نطلب مبلغ مناسب لكل رشمة ( ايه نبيعلكم ) و اذا وحدة فيكم اي تتساؤل كفاه راح تخلصني ساهلة : راح نعطيكم نيمرو تاعي ( رقم الهاتف المحمول ) و نتوما تفليكسيولي فيه و لا رقم الحساب تاعي ( ccp ) بالبنك ( مع اني واثقة بلي لفليكس راح يجيكم ناقص تعاب ) دوكا نظن فهمتو الموضوع هو عبارة عن بيع رشمات خاصة بطرز الميكرو و الدفع راح يكون اما بالفليكس و اما برقم الحساب في البنك و الان انا راح نستنا رايكم و نشوف يا هل ترى نلقى بنات عاجبتها الفكرة و راي مستعدة تشوف و تشري ولا لا مع العلم انو الموديلات و الله روعة مش غير كي عاد حابة نبزنس فيهم . و تعبت اخررررر باه جبتهم كل موضوع جديد نديرو راح نحطلكم الرابط تاعو هنا .... رشمات رشمات رشمات ( طرز الميكرو ) 02 https://www.djelfa.info/vb/showthread.php?t=1721140 رشمات رشمات رشمات ( طرز الميكرو )03 https://www.djelfa.info/vb/showthread...post3992234307 اترككم في حفظ الله و عونه