[رملاك]

المشاركة الأصلية كتبت بواسطة head black

ما شي بزاف عليهم

ما قراوش باطل, قراو نتوما وخلصو على الغاشي 200 ألف, ما كاش لي يسالكم

ولي ماعندوش ما يروحش للسبيسياليست يبقى في السبيطار نتاع لاباطاي ويسكت ويحمد ربي

خياط دار موضوع على الأطباء, مهزلة؟؟؟؟؟؟؟؟؟؟

السلاااام عليكم

أولا حبيت نقولك مع احترامي ليك و اسمحلي على واش راني رايحا نقول بلي انت أناني بزاااااااااااف لدرجة وليت تميز بين الناس
علاه الخياط ميحقلوش يهدر محقلوش يدير موضوع على الاطباء باش راهو فايتوا الطبيب ؟ ياك كيف كيف هذاك عطاه ربي في راسو و قرا و الحمد لله و هذا مكتبلوش ربي يقرا راهو خدام كيفو كيف طبيب .

هذي أولا و ثانيا عندوا الحق السعر لي راهم يديرو فيه خيالي علاه الزوالي وين يروح يداوي ؟ + نورمالمون قراو باش يعاونوا الناس باسكو بالنسبة ليا أنامهنة الطب كانت حلمي و ستبقى كذلك لأنها مهنة نبيلة و شريفة تكسب بها الاجر و من بعد الدراهم طبعا مقلناش يخدم بلاش
+ لي راهم يقولوا قرا و7 سنين و من بعد يدير هذا السعر راهم غالطين

معندنا ما نقولوا غير ربي يهديهم هذو الاطباء و أنت يا أخي واحد منهم مهما كانت مهنتك لأن تفكيرك سيئ لدرجة أنك أصبحت أناني

عذرا على هذه الالفاظ مي انت دفعتني ليها

+ حلمي كان الطب و مكتبليش ربي نديرو توجهة الى البيوكيمياء و التحاليل الطبية و ان شاء الله ندير كل ما في وسعي باش لي يدخل للمخبر تاعي يخرج راضي

+ التواضع أهم شيئ في مهنة الطب و ذا لي رانا نلقاوه غائب عند الكثير من الاطباء الا من رحم ربك

تواضعوا يا أطباء فلستم سوى بشر وفقكم الله الى منة نبيلة بالله عليكم قدروا ما تملكون

و السلاااااااام عليكم