من الاطباق التقليدية العصبانة الي انا شخصيا مانستغناش عليها في العيد اولاا ناخذو الكرشة نتاعنا نغسلوها ونقيوها مليح من جهة اخرى نغسلو لمصارن وانظفوهم مليح نكشطوهم بالسكين ونقطعو الكرشة الى اجزائ مستطيلة متوسطة الحجم من بعد نلفو الكرشة بالمصارن كما هو موضح في الصورة نديرو العدد الي حبينا على حسب الافراد ونحطوهم جانبا من جهة نحضرو لصوص سنات ثوم حبة بصل صغيرة 2مغارف زيت وورقة رند مغرف كبيرة طماطم كمون اخضر فلفل احمر كمون اكحل راس الحانوت نقليوهم مليح ونمرقوهم ب 3كيسان ماء كي يغلى المرق نضيفولو العصبانات نقفلوا عليها حتى اطيب ويبقى فيها شوي لصوص نطفيو ونزينو بالدبشة والقارص اممممممم روعة