السلام عليكم ورحمة الله تعالى وبركانه ان شاء الله تكونو ا كااااامل بالف خير لبنات راهي انتقلتلي العدوة ودرت الكيكة تركية جات رووووعة بنينة وخفيفة و بمكونات غاية في البساطة للاخوات الي ما عندهمش الفابس بوك خممت فيكم المقادير : الكأس = 200ملل السينية =34/22 سنتم 4 بيض (او 5 بيض صغار ) 180غ سكر او كأس الا صبع 180 ملل زيت او كأس الا صبع 180 ملل حليب او كأس الا صبع 100غ نشاء اوكأس الا صبع او 5ملاعق كبار معمرين ملعقتين كبار كاكاو معمرين او 30غ + ملعقتين كبار حليب نضيفوها مع الكاكاو 250غ فرينة او دقيق ابيض 10ملاعق كبار معمرين او كأس ون (ادا ماعندكش النشاء تعملي 300غ فرينة او دقيق ابيض و يكون بالكأس 2 كأس ) 3ملاعق كبار مربى او معجون المشمش 2خميرة الحلويات الفانيلا 16غ للتزيين فلو 180غ 500ملل حليب 50غ شوكولا سوداء الطريقة. نخلط البيض مع السكر والفانيليا ثم نضيف الزيت ثم الحليب ثم نضيف مايزينة ثم نضيف فرينة و2خمارة بعدها نقسم الخليط على2 وواحد نضيفلو ملعقتين كاكاو وملعقتين حليب وبعدها ندهن المول بالزبدة والفرينة ونحط نصف خليط الكاكاو الخليط الاول كي نحطو في المول نطيبو من التحت ثم نشعلو من الفوق ينشف ونخلي الفرن شاعل غير من الفوق وندير الطبقة الثانية نصف الابيض وهكدا حتى نكمل في النهاية تطيب غير من الفوق ونكمل نطيب الطبقات هكدا. نعمل نصف لتر حليب مع فلان شوكولا ونحطها فوق النارحتى تثقال +50غ شوكولا سوداء كي طيب كيكة ندهنها بي 3ملاعق كبار معجون المشمش ونفرغ عليها فلو من الفوق زينيها انا درت جوز الهندي تقدرو يديرو كوكاو ولا لوز مهروس ونحطوها في الثلاجة تبرد مممممم نخليكم مع الصور لبنان جربوها وما تراطوش تحياتي للجمييييع