[رَذآذ حِبـرٍ]

المشاركة الأصلية كتبت بواسطة الجميلة انا

السلام عليكم
انا مترشحة حرة هدا العام انشا الله خقيقة مقلقتني حوايج ياسر و ملقيت لشكون هدر ارددت طرح موضوعي هنا
متلا انا كي نكون نقرى يعيطولي العائلة تاعي على حاجة مثلا نضر ب عندهم بالساعة اه بنرجع نقرا من جيبي هديك لسخنيلي غداي واعملي هدي المهم لحكاية هادي رحتلهم مقلقتني وحد المرة عيطولي على 12 رجعت نقرا على 14 يعني 2 وحتى كي نرجع نقرا نقرا واننا قالقة من الوقت الي ضاعلي و نحشم باه نقول لا منديرش وانا خايفة من فكرة انو منروحش واش حابة و زيد نرجع نقرا في كليتي تاع العام هدا
مادا افعل

وعليكُم السلامُ ورحمة الله ..
تقدرِي تقولِي هاذي مش مشكلَة كامل ، لأنو 24 ساعة لازم تخصصي 2 ولا 3 سوايع للعائلة تاعك ..
وأكيد النية تاعهم مش مقدرين قرايتك ، ولا يضيعولك في وقتك لا ..
بالعكس هاذي حاجة مليحة نتي تخمي فيها ..
يعني كي تخدمي حاجة فالدار تغسلي ولا طيبي ولا حاجة ، هي تغيير لرُوتينك اليَومي الي جاي دراسة دراسة ورا بعضاها ..
يعني انا ثاني باك 21 نظامية ، أول مرة يعني ..
فالأول كنت نفورسي على روحي وكي تعيطلي ماما نقلق ، نقول كيفاه انا نقرا وعندي باك وهي تعيطلي .. ؟!!
منبعد فقت بلي هي تعيطلي بش تبدلي الجو تاع القراية ..
حتى وليت نطيب العشا وندير الفطور كي يكونوا صايمين ونسيق عادي ، كيما قبل ..
بصح فنفس الوقت راني نقرا ..
باختصار : هاذي مش حاجة بيزار ، ولا بداية كره ، ولا عدم تقدير وكذا ..
قضية أنهم يحبوك تكوني معاهم كيما قبل تلعبي وتضحكي ودوري ..
نهدر في حالة تعيطلك الوالدة ولا الوالد
الأخ المحترم اللي كي تكوني تقراي ويعطلك ارواحي جيبيلي كاس ماتجيش .. خخ

المهم ماتزعفيش بزاف ، والخدمة تاع الدار زيديها في بروغرامك بش ماتمليش من القراية .. ^^