وعليكم السلام ورحمة الله وبركاته
واش تحب دير يا اختي هاذي هي العقلية المراة المطلقة يشوفوا فيها بنص عين وكانها ارتكبت جريمة شنعاء ياك كانت متزوجة فالحلال ومبعد خلاص النصيب كل واحد مشى في طريق
المراة المطلقة ماعندها حق في والو على عكس الرجل المطلق يقدر يعاود حياته واحتمال كبير يتزوج مع وحدة عازبة
دير في بالك يا اختي بلي ربي سبحانه وتعالى شافلك خير لانو كل شيء يصرالنا فيه حكمة من عند الله مايعلمها غير هو سبحانه
خمم بلاك كون تزوجتي بيه الوالدة تاعه تكرهلك حياتك وتعاود تطلق من جديد تقول هاذي غلبتني وتزوجت مع ولدي مكرة او علابالك التفكير تاع اغلبية الحموات
علابالي انت وتتعذب وعلابالي صعيب الحال وعلابالي تاني واحد مايقدر يتخيل حجم المعاناة كيما يقولوا مايحس بالجمرة غير لكواتوا
اشغل نفسك بحاجة مفيدة متزيدش تخمم فيه راهو خلاص تزوج ومن حق الزوجة تاعه يكون مخلص ليها وحدها ويخمم غير فيها ويحبها
نصيحة من عندي داوم على سورة البقرة وصدقني يا اختي بقدرة ربي سبحانه راح تنساه وربي راح يبعثلك سيد الرجال ان شاء الله
خلي عندك ثقة ويقين في الله ومراحش يخيبك سبحانه
كونك قوية وربي يعوضك ان شاء الله
بالتوفيق