سأنصحك مثل أختي ،
أول شيئ أقوم به أذهب لهذا الرجل و نعطيه طريحة و نندمو باش يلعب ببنات الناس هكا ماشي نفوتهالوش، و أون بليس كون نقدر نحكم عليه حاجة ، باش نخوفو و نخليه يعتذر لك قدام عائلته و عائلتك، نديرها و نرخسو كي الكلب،
بالنسبة للقضية، لا و الف لا أن ترفعي قضية كيما هكا، لأنك الناس الطفلة تكون مربية و غير في الدار و يهدرو فيها، ياااو لوكان يحضرو قضية تاعها في محكمة، و الرااجل كيما راكي تقولي رخيس ، قادر يزيد يهدر كلام ماكاش منو ، و أنت بحكم أنك إمرأة وربما من الصدمة ما تقدريش تدافعي على روحك و الناس راح يمنو الراااجل ، أكثر حكمة راح يشك
و رايحة تفضحي روحك بحاجة ما درتيها،
الحقرة و الضلم صعييبة، لكن الله فوق سبع سماوات ما يحبش الضلم و الحقرة، و هو راح يجيبلك حقك، فقط توكلي عليه سبحانه،
و أتأكدي راح يرخس مع في المستقبل ، و إحتمال كبيير يرجع دليل ليك، لأنو راح يحس أنك أنت لي فقستي فيه ، هاذي في حالة فطنو ربي و كان في قلبو شوية خير ،
في جميع الأحوال أنت راكي شريفة طاهرة ، كما تقولين، و الله يعلم ذلك ، و هو يمهل و لا يهمل ،
فقط أدعي كل يوم أن يفرج عليك ربي، و ينسيك في الهم و المشكلة هادي ، و يرزقك بالزوج الصالح و الطيب الرجل الحقيقي ،
و حاولي نسيان هذا الأمر يا أختي ، و فوضي أمرك لله، و أفضل طريقة باش تنساي هذا الأمر هو أن تسامحيييه، و تدعي له بالهداية، لأنك مادامك حاقدة عليه، و لم تتقبلي الأمر فسيبقى هذا الشخص في عقلك الباطن دائماً، حتى تتعاملي مع هذه المشاعر،
و إذا قمت بمسامحته بصدق و دعوتي له في الصلاة بالهداية، ستتحرر هذه المشاعر المكبوثة في عقلك الباطن ، و تتخلصي من التفكير فيه، ثم تجدي نفسك مرتاااحة جدا جدا جاد ،
كما أنك تجدين نفسك مقبلة على الحياة،
يجب أن تسامحيه حتى تتخلصي من هذه المشاعر، و الله يمهل ولا يهمل، سيجلب لكي حقك و أنت مقبلة على حياتك و تسامحيه ، و أيضا سيسامحك الله إذا قمت بأي ذنوب و يغفر لكي،
هذا ما سأقوم به و أنصحك به لو كنت أختي،
أخوكي حسام ،
والله إني متاعطف معكي أختي و أتمنى لك التوفيق أختي المحترمة .