اخواتي الكريمات ان شاء الله تكونوا بالف خير انتم وعائلتكم هدا الموضوع كنت حضرتو في يمات شعبان لكن ماكانش عندي الوقت لادراجه لان كنت واقفة مع تحضيرات امتحنات بناتي والحمد لله توفقو في دراستهم لعقوبة لوليداتكم يفرحوكم مثل ما فرحوني كنت بديت تنضيفات شعبان واول غرفة بدبت بيها غرفة البنات بنتي صغيرة قالتلي ما تبدايش في غرفتنا خليها هي الاخيرة بعد ما نكمل امتحناتنا لكن ماخديتش رايها خليتهم حتى خرجو وراحو لمدارسهم وبديت التنضيف وكملت قبل دخولهم للبيت حتى الاغطية خدمتهم فالخفاء بعد ما دخلو لبنات من مدارسهم استعجبو من الانقلاب لي درتهلهم والحمد لله عجبهم هده الاغطية خدمتها ب 2 من ستور كان عندي ستور اغقونزة مدوبلي بالساتان لونه بنفسجي و عندي ستور تاني ابيض قطعت بياسات من ستور الابيض ولسقتهم على الساتان لي نحيتو من ستور الاول نخليكم مع الصور وان شاء الله تعحبكم فكرتي