منتديات الجلفة لكل الجزائريين و العرب - عرض مشاركة واحدة - اسئلة بيولوجي في الصحة العمومية
عرض مشاركة واحدة
قديم 2018-12-13, 22:17   رقم المشاركة : 2
معلومات العضو
أنا ستازيا
عضو مميّز
 
الصورة الرمزية أنا ستازيا
 

 

 
إحصائية العضو










افتراضي

وعليكم السلام ورحمة الله تعالى و بركاته

في مسابقة بيولوجي في الصحة العمومية من الدرجة الاولى الاسئلة راح تكون عامة و عادة راح تكون على حساب الخبرة المهنية لي عندك في السنوات لي خدمتهم...

يعني l'examinateur لي راح تفوت عندو أول حاجة يسقسيك عليها يقولك وين خدمت وواش خدمت وعلى حساب الجواب نتاعك راح يختار هو حاجة خاصة يسقسيك عليها مثلا اذا قتلو بلي خدمت مخبري راح يسقسيك على طريقة اجراء تحليل معين ولى على دور عمل انزيم معين .....

اما اذا ماسبقلكش وخدمت من قبل راح يسقسيك على التخصص لي قريتو ويمدلك سؤال عشوائي قادر حتى يقولك ماهو الفرق بين الخلية الحيوانية و النباتية، ولى مثلا عرف عملية التركيب الضوئي او دور الميتوكندري ..... يعني بالمختصر الاسئلة راح تكون من الثقافة العامة المكتسبة سواء سنوات الدراسة او سنوات العمل.

نصيحة برك ما تترتبك ما تخاف لأنو عادة المتسابقين راح يكونو بالآلاف والمناصب تُعد على الاصابع ولي كاتبهالك ربي واحد ما ينحيهالك

ربي يوفقك ان شاء الله و يرزقك من باب واسع










رد مع اقتباس