لحد الان مانيش فاهمة علاه زادو في التسعيرة كون رانا في الصيف نقولو بلاك من السخانة الارض زادت تمددت و طوالت الله يهديهم كل مايدخل عام جديد يزيدو في اي حاجة و كون غير يقيمو الشعب.والله كون جات زيادة في التسعيرة و تحسين في الخدمات نقولو معليش كون غير الواحد يخرج يلقى النقل يستناه نقولو معليش مي باه الواحد بلاصة نوغمالمو يلحقها في ربع ساعة يستنى ساعة باه يلحق بزاف تاع الصح.انا والله ماني نهدر على روحي لانو الحمد الله مي باه واحد يكون رب اسرة و عندو غير 3 ذراري يقراو راه النقل لازملو ميزانية وحدو و مانهدروش على المصروف لاخر والله الواحد ماراه عارف منا للعام الجاي واش راح يكون