السلام عليكم و رحمة الله و بركاته هذه وصفة التارتولات اللي طلبوها بنات الكوزينة ، هوما ساهلين في عملهم لكن الذوق روووووووووووووووووعة المقادير العجينة هذه عجينتي لي كنت معتامدتها في لي تارتولات فرينة (250) غ الزبدة (125) غ مقطعة إلى قطع الماء الدافئ (1)ملعقة طعام الملح قليلا السكر (1)ملعقة طعام لكن هذه المرة بدلتها من باب التغيير و درت وصفة الهام تاع العجينة بريزي بالزيت و الصراحة ، هذه احسن حاجة درتها تهبببببببل و عجبتني خير من تاع الزبدة و هذه مقاديرها المقادير - أربع كيلات فرينة مغربلة - كيلة زيت - قرصة ملح - بيضة مخفوقة - 1 خميرة حلويات - ماء وماء الزهر لجمع العجينة - ملعقة سكر ناعم الطبقة الاولى جاناش الشوكولا البيضاء 150غ شوكولا بيضاء 4ملاعق كريم فراش فاني نذوب الشوكولا في حمام مائي ، تذوب نخفقو. لاكريم فريش حتى تطلع و الفاني و تخلطوها مليح مع الشوكولا حتى تتجانس و هي مازال فوق حمام مريم ، مباعد نخليوها نبرد لي ماعندهاش كريم فراش تاع الخفق ممكن ديرها دون خفق و الحشو صوص الفراولة كوب فراولة مقطعة نصف الكوب سكر 4 ملاعق ماء نحطوها فوق نار قليلة حتى تعقد ممكن نزيدو لها قطرات عصير ليمون اذا حبينا نحضروها بوقت ، نخلطو الفراولة مع السكر بدون ماء و نحطوها في الثلاجة راح تطلق الماء ، و مباعد نطيبوها و بهذه الطريقة درت صوص التمر و صوص الأناناس اولا نطيبو قاع التارتولات مليح بعد ما نثقبوه ثانيا كي يبرد مليح نحطو طبقة من الصوص و مباعد طبقة من الجاناش ، و نقدرو نحطو مكسرات بين الطبقتين اممممممممممم ثانيا نزينو بالطريقة لي تعجبنا و بصحتكم هذه الخطوات مصورة تارتولات بصوص الفراولة لذيذة جدا تارتولات بصوص الأناناس تحفففففففففة تارتولات بصوص التمر ، فاجأتني الصراحة بلذتها ، لذيييييييييييييييذة و مايبانش فيها تمر نهائي و هذه لاكريم و الشوكولا لي خدمت بيهم صوص التمر للي طلبوها كاس تمر و نص كاس سكر او اقل شوي و نصف كاس ماء يتغلاو حتى يعقدو التمر زدنا لو شوي الملء على خاطر هو مايطولوش الماء كيما الفراولة راهو يجي روعة في التارت و يجي يتعالك اممممممممم في كل حبة 250 سعرة بالتقريب جربوهم و اكيد بإذن الله راح يعجبوكم ، و هذه المرة راني اختصرت في خاطر ام محمد تاج ماتحبش المواضيع الطويلة سلااااااااااامي