ان شاء الله تكونوا كلكن بألف خير بعد ما خدمت الكوفرولي وغلفت الزرابة بقماش الفرو اليوم خدمت ستار الطبخ فالحقيقة الستار شفتو في الي توب يعطيها الصحة السيدة لي جابت الفكرة فالأول تخوفه باش نخدمو لان القماش مع القص يطيح ريشو لكن درت الكوراج وشربت القماش وطبقة الفكرة والنتيجة كيما راكم نشوفو فيها لإنجاز هدا العمل لازم لك متر قماش فرو او متر وربع انا استعملت متر وربع أولا تاخد أنبوب ستائر نلف القماش عليه ونعين مكان الخياطة نخيط بالمكينة بعد ما نخيط ونقص حق الأنبوب نبدأ في قص القماش في كل 10 سم نقص من بداية عرض القماش حتى نصل إلى الخياطة لي خيطنها يعني كل 10 سم نقص شريط من القماش حتى نهاية العرض بعدها الشرائط تلف على نفسها تصبح مثل انابيب نمسك بيد الستار من الجيهة لي ندخل فيها الأنبوب واليد التانية نشد بيها السيتار ونسحبها يعني تمرر اليد على الشرائط لي قطعناها لتصبح لولبا وفي نفس الوقت يسقط الريش او الفرو الزائد ان شاء الله قدرت نوصل الفكرة أي استفسار انا بالخدمة تحياتي الحارة لاجنيع