السلام عليكم معشر الجزائغيّون، هل تعلمون درجة تأخرنا؟
الأهم:
بايبال شركة كبيرة جدّا، لا تحتاج الفرد الجزائري للإستثمار فيه وليست الجزائر كسوق من أولويات بايبال، حيث لا يحظى الجزائر بالدعم الفنّي ولا يُسمَع له، ويقضي الجزائري معظم وقته في البحث عن وسيلة سريعة وفعّالة لتفعيل البايبال، أو البحث عن بطاقة ماستر كارد أو فيزا مجانية،
حيث لا يمكنك تفعيل بايبالك أو يصعب عليك تفعيله رغم إمتلاكك لبطاقة، ببساطة لا يريدك بايبال أيّها الجزائري، قارن بين البايبال المكسيكي أو الروسي أو الإسباني، ستجد نفسك مجرّد (خضرة في الطعام) لست شخص يعتنى به ويسمع له، رأيت أين منزلتك؟
1- هو مجرد وسيط مثله مثل 1000 تطبيق ويب على النت.
2- عند الشراء من النت لست ملزم باستخدام بايبال عزيزي.
3- عند الإستلام أيضا لست ملزم باستخدام بايبال.
4- بايبال هو مجرّد مرض أو روتين إعتاد الجزائري عليه.
5- التجارة الإلكترونية، المعاملات الإلكترونية، ليست بايبال.
6- بايبال يشقّيك أكثر ما يخدِمُك.
7- بايبال أوروبا،أمريكا اللاتينية، جنوب شرق آسيا والشرق الأوسط يخدم الفرد، بايبال شمال افريقيا ليس في صالح الكثير.
8- دير في حسابك موش كامل لي فيزا ولي ماستركاردس مقبولين ويقبلهم البايبال وتقدر تفعّل بيهم بايبال يعني قبل ما تكوموندي كارت سقسيهم اسكو يقبلها بايبال ولا نو قادر تكومونديها وتستنّا شهر ولا شهرين وتاكتيفيها ومبعد ماتقدرش تاكتيفي بيها باييال.
9- أن نقلّك باش تبدا في استخدام بايبال لازم لحساب تاعك يكون فيريفيي.
10- ماتقدرش تشري بيه أون لين تقدر تستقبل عليه الأموال فقط باش يحجزهملك في المستقبل وييقى هو المستفيد إذا كنت ماكش فيريفيي ويديرلك حساب محدود تبقى شهر باش تحلّو والمراسلات ....حتّى تكره روحك وتكره حياتك....وتوّلي تعيطلهم في التلفون تاعهم في الإمارات وتوّلي تزيد تخسر باش يرجعولك 20 دولار ولا 30 أغلبه عناء.
قد يأتي آخر ويقلّي مجرّد خزعبلات وكلام غير مؤسس، وقوانين بايبال عالمية وتطبق على الجميع. نقلّك اذهب وتأكّد بنفسك.
رأي شخصي أحاول أن أقنعك أو أن أجد مساندين أو مأيّدين فماذا تردلي في التعليق؟