[ايمانو الجزائرية 01]

المشاركة الأصلية كتبت بواسطة شتـــاء

السلام عليكم .

عودة ميمونة ختيتو كي راكي ؟ واش الحالة عندك ؟
و عليكم السلام و رحمة الله تعالى و بركاته

اهلا بيك بيسة وش راكي ؟
ياودي متسقسينيش قع على الحالة مرانيش لاقية ساسي من راصي الحمد لله على كل حال

المهم بالنسبة ليا خايفة من الوقت

الوققققققققققققت الششششششششبح يخوف بزاف صح ؟ علابالي حتى انا كنت نخافو و مزالني نخافو بصح علابالك كي تكوني خايفة على حاجة تحاذري عليها مليح . صح ؟ دونك متخافيش و متتقلقيش متضغطيش بزاف على روحك و حبة حبة نجيبوها فالفيلي . اه قصدي الباك

و برك دونك المواد العلمية خاصني التركيز فيها سوغتو في المات راني هردتها فيها قع

المات وشنهي ؟ منعرفهاش نقصر برك تفكرت ليامات كي كنت نضرب 5 و 7 فيها لالا متخافي موالو مرايش صعيبة لهذيك الدرجة صدقيني . الاساتذة برك فالعام تع لباك تحلالهم يعذبوكم و يكونوا شوية اشرار و يجيبولكم سوجيات مالمريخ و يمرمدوكم و يخلعوكم . بصح عندهم الحق صدقيني . نعرف وحدة كانت ممتازة الله يبارك . خطرة فرض تع فيزيك دات 19 فرحت بيها و قالت خلاص فيزيك فالجيب 20 واحد مينحيهالي مبقانش مهتمة بيها دخلت الاختبارات باناقة و عفوية خرجت تبكي و مصدومة و زادت دات تحت المعدل نسيت شحال . بصح من تم فهمت مليح بلي كي تخدم فمادة رح تتلقها و كي تتلقها رح تهردها و هذي لحاجة لي ملازمش كاااااااااااامل ديروها ابدا ابدا ابداااااااااااا علابيها يضغطوكم و قد متتقدمو يخلوكم تحسو بلي مراكمش متقدمين و مزاللكم بزاااااااااف و هذا هو الهدف لي اصلا حقيقة لازم ديري احتياطاتك 100 ب 100 متغامريش

و كاينة صحبتي كانت مدتلكم المراجع و شوية طرق ( تحت اشرافي و الحاحي باه تنوض تكتب ) فيه كامل وش خدمنا بيه المراجع و النصائح عامة ووو و اكيد اليوتيوب و واحد لقروبات تع فايسبوك يعاونوك حااااااااااااالة متسحقي لا ليكور لا لي بروف تع الليسي

الانجليزية و الفرنسية شويا لباس الفلسفة 0000 هههه
فللللللللللللللسفة فكرتيني فليامات هههههه كنا ملي ندخلو و حنا نقسرو و نضحكو مع لبروف منبعد الدرس في 10 دقايق و نكتبو في 5 دقايق و نفهمو و نشاركو و كلش توحشت لبروف هذيك كغير جاو كامل هكاك

المهم فيلو افهمي برك عندك موقف1 وش يقول شكون لي واقفين معاه وش الحجج ديالهم شوية اقوال شوية امثلة ( كل حجة لازمها شرح من فهمك + قول و تشرحيييييييه + مثال و تشرحيه طبعا ) شوفي كتاب هبة جبابرية فيه كلش و المنهجية هي الصح طبعا
و الشرح مهمممممممممممممممممممممممممممممم

و العربية و الاجتماعيات و الشريعة مسيطرة عليهم حاليا
ربي يوفقنا

الحمد لله

بصح خايفة بزاف منوصلش لواش حابة
نصيحة = القران و الصلاة لازم يكونوا الظل نتاعكم متنساوهمش قع

تلحقي باذن الله و تنساي التعب و تولي تتفكريه و تشبعي ضحك و يقعدولك ذكريات حلوين و لبنادم لي تلقايه فالتريق تحكيهملو و تقعدي تحكي لولادك و ولاد ولادك و ولاد ولاد ولادك و تروحي للجامعة ان شاء الله و يولي اسمك برعمة و تقراي و تشوفي التعب على اصولو و التمرميد على اصول اصولو و الباك شحال هايل و ناس ملاح و تقعدي تتمناي تولي تعقبي لباك و ماشي التمرميد هذاك و طبعا تحتفظي بالذكريات لولادك و ولاد ولادك و ولاد ولاد ولادك



كوراج برك اجماعة



و من فضلكم متنساوناش بدعاوي الخير :d و الا كاشما سحقيتو يا ابطال قولو و ربي يقدرنا نعاونوكم بلي قدرناو مام الا سحقيتو على الخاص ماشي مشكل ابعثو متحشموش